Bangladesh Elections 2026: బంగ్లాదేశ్లో జరుగుతున్న 13వ పార్లమెంట్ ఎన్నికలు హింసాత్మక ఘటనలతో ఉద్రిక్తంగా మారాయి. పోలింగ్ సందర్భంగా జమాత్-ఇ-ఇస్లామీ మద్దతుదారులతో జరిగిన ఘర్షణలో బంగ్లాదేశ్ నేషనలిస్ట్ పార్టీ (BNP)కి చెందిన ఓ సీనియర్ నేత మృతి చెందారు. ఈ ఘటన దేశవ్యాప్తంగా ఉద్రిక్తతలకు దారి తీసింది.
సుమారు ఏడాదిన్నర క్రితం విద్యార్థులు ప్రారంభించిన భారీ ఉద్యమం కారణంగా అప్పటి ప్రధాని షేక్ హసీనా నేతృత్వంలోని అవామీ లీగ్ ప్రభుత్వం అధికారాన్ని కోల్పోయింది. ఆ పరిణామాల అనంతరం నోబెల్ బహుమతి గ్రహీత ముహమ్మద్ యూనస్ ప్రధాన సలహాదారుగా తాత్కాలిక ప్రభుత్వం బాధ్యతలు చేపట్టింది.
ఈ ఎన్నికలు బంగ్లాదేశ్ రాజకీయ చరిత్రలో కీలకంగా మారాయి. అవామీ లీగ్కు పోటీ చేసే అనుమతి లేకపోవడంతో అధికార పార్టీ లేకుండానే ఎన్నికలు నిర్వహించాల్సిన పరిస్థితి ఏర్పడింది. మరోవైపు దేశవ్యాప్తంగా 84 అంశాల సంస్కరణల ప్యాకేజీపై ప్రజలు రిఫరెండం తరహాలో తమ అభిప్రాయం వెల్లడిస్తున్నారు.
ఈ ఎన్నికల్లో ప్రధాన పోటీ బీఎన్పీ మరియు దాని మాజీ మిత్ర పార్టీ జమాత్-ఇ-ఇస్లామీ మధ్య కొనసాగుతోంది. హింసాత్మక ఘటనల నేపథ్యంలో భద్రతను మరింత కట్టుదిట్టం చేస్తూ తాత్కాలిక ప్రభుత్వం చర్యలు చేపట్టింది.
Bangladesh Elections 2026 | బాంగ్లాదేశ్ పార్లమెంట్ ఎన్నికల్లో హింస…బీఎన్పీ నేత మృతి
Violence during Bangladesh parliamentary elections with clashes between BNP and Jamaat supporters.
