కడప జిల్లా జిల్లా పరిషత్ చైర్మన్ ఎన్నికల్లో తెలుగుదేశం పార్టీ పోటీ చేయడం లేదని టీడీపీ జిల్లా అధ్యక్షుడు శ్రీనివాస్ రెడ్డి మీడియాకు వెల్లడించారు. వైఎస్సార్సీపీకి చెందిన జడ్పిటిసి సభ్యులు కొందరు బీజేపీ, కొందరు జనసేనలో చేరేందుకు ప్రయత్నిస్తున్నారని ఆయన పేర్కొన్నారు.
తెలుగుదేశం పార్టీకి తగిన సంఖ్యాబలం లేకపోవడంతో పోటీ చేయడం లేదని, అయితే వైసీపీ నాయకులు తమ పార్టీ సభ్యులపై నమ్మకం లేక క్యాంపు రాజకీయాలు నడుపుతున్నారని శ్రీనివాస్ రెడ్డి విమర్శించారు. ముఖ్యమంత్రి చంద్రబాబు నాయుడు సూచనల మేరకు టీడీపీ ఈ ఎన్నికల్లో పోటీ చేయడం లేదని స్పష్టం చేశారు.
ఈ కార్యక్రమంలో జమ్మలమడుగు ఎమ్మెల్యే ఆదినారాయణ రెడ్డి, కడప ఎమ్మెల్యే మాధవి రెడ్డి పాల్గొన్నారు. వైసీపీ సభ్యులు తమ పార్టీని వీడే అవకాశం ఉందనే అనుమానంతోనే క్యాంపు రాజకీయాలు చేస్తున్నారని వారు ఆరోపించారు.
జడ్పీ చైర్మన్ పదవిని తమదిగా భావిస్తున్న వైసీపీ, పార్టీ సభ్యుల అంగీకారం కోసం రాజకీయ ఒత్తిళ్లు తెచ్చుకుంటోందని టీడీపీ నేతలు వ్యాఖ్యానించారు. కడప జిల్లా రాజకీయ వాతావరణం ఆసక్తిగా మారింది.
