Donald Trump: వెనెజువెలాపై నిర్వహించిన ప్రత్యేక ఆపరేషన్లో అమెరికా అత్యంత శక్తిమంతమైన ‘రహస్య ఆయుధం’ను వినియోగించినట్లు మాజీ అధ్యక్షుడు డొనాల్డ్ ట్రంప్ ధ్రువీకరించారు. వెనెజువెలా అధ్యక్షుడు నికోలస్ మదురో, ఆయన భార్యను నిర్బంధించేందుకు చేపట్టిన మెరుపుదాడిలో సీక్రెట్ సోనిక్ వెపన్ను ఉపయోగించామని ట్రంప్ వెల్లడించారు.
ఓ మీడియా సంస్థతో మాట్లాడిన ట్రంప్, “మన వద్ద ఎవరికీ తెలియని ఆయుధాలు ఉన్నాయి. వాటి గురించి ఎక్కువగా మాట్లాడకపోవడమే మంచిది.
అది అద్భుతమైన ఆపరేషన్” అని వ్యాఖ్యానించారు. తమ వద్ద ఉన్న ఈ సాంకేతికత మరే దేశం వద్ద లేదన్న అర్థం వచ్చేలా ఆయన వ్యాఖ్యలు చేశారు.
మదురోను కస్టడీలోకి తీసుకునేందుకు నిర్వహించిన ‘ఆపరేషన్ అబ్సల్యూట్ రిజాల్వ్’ సమయంలో ఈ ఆయుధాన్ని ఉపయోగించినట్లు, ట్రంప్కు సన్నిహితంగా పనిచేసిన ఓ మాజీ గార్డ్ వెల్లడించిన వ్యాఖ్యలు ఇటీవల వెలుగులోకి వచ్చాయి.
“మా ముక్కుల నుంచి రక్తం కారింది. కొందరు వాంతులు చేసుకున్నారు. మరికొందరు నేలపై పడిపోయారు. ఆ సోనిక్ ఆయుధం ముందు మేం నిలబడలేకపోయాం” అని అతడు తెలిపాడు.
ఈ వ్యాఖ్యలను ఓ మీడియా సంస్థ ప్రచురించగా, వాటిని వైట్ హౌస్ ప్రెస్ సెక్రటరీ కరోలిన్ లీవిట్ సోషల్ మీడియా వేదికగా షేర్ చేశారు. దీంతో అమెరికా వినియోగించిన సీక్రెట్ సోనిక్ వెపన్పై ప్రపంచవ్యాప్తంగా ఆసక్తి నెలకొంది.
