సినిమా:ఇటీవ‌ల ‘మాస్‌ జాతర’తో ప్రేక్షకులను అలరించిన మాస్‌ మహారాజా రవితేజ ఇప్పుడు కొత్త సినిమాతో అభిమానుల ముందుకు రానున్నారు. దర్శకుడు “కిశోర్‌ తిరుమల ద‌ర్శ‌క‌త్వంలో రవితేజ హీరోగా నటిస్తున్న ఈ చిత్రానికి తాత్కాలికంగా “#RT76” అనే వర్కింగ్‌ టైటిల్ ఉంది.
తాజాగా ఈ సినిమా టైటిల్‌ను అధికారికంగా ప్రకటిస్తూ, గ్లింప్స్ వీడియోను చిత్ర బృందం విడుదల చేసింది.
రవితేజ నటిస్తున్న ఈ కొత్త సినిమాకు ‘భర్త మహాశయులకు విజ్ఞప్తి’ అనే ఆసక్తికరమైన టైటిల్‌ను ఖరారు చేశారు. టైటిల్ గ్లింప్స్‌లో రవితేజ స్టైలిష్ లుక్‌తో ఆకట్టుకున్నారు.
ఈ సినిమాలో హీరోయిన్లుగా “ఆషికా రంగనాథ్‌” మరియు “డింపుల్‌ హయాతి”నటిస్తున్నారు. రవితేజ సిగ్నేచర్ ఎనర్జీతో, వినోదం-భావోద్వేగాల మేళవింపుతో ఈ చిత్రం ప్రేక్షకులను ఆకట్టుకుంటుందని చిత్ర బృందం తెలిపింది.
‘భర్త మహాశయులకు విజ్ఞప్తి’ చిత్రాన్ని”2026 సంక్రాంతికి” గ్రాండ్‌గా విడుదల చేయడానికి సన్నాహాలు జరుగుతున్నాయి.
ALSO READ:చంద్రబాబు – తుఫాను సమయంలో కృషి చేసిన మంత్రులపై ప్రశంసలు
