కేరళలో తన బాయ్‌ఫ్రెండ్‌ను హత్య చేసిన గ్రీష్మ అనే యువతికి నెయ్యట్టింకర కోర్టు మరణశిక్ష విధించింది. ఆమె నేరాన్ని సహకరించిన మామ నిర్మలకుమారన్ నాయర్‌కు మూడు సంవత్సరాల జైలు శిక్ష విధించారు. తనతో సంబంధం కొనసాగించలేనని భావించిన గ్రీష్మ, 2022లో పెస్టిసైడ్ కలిపిన ఆయుర్వేద టానిక్ ఇచ్చి శరణ్ రాజ్‌ను చంపేసింది.
ఈ కేసులో గ్రీష్మ అమానుషంగా వ్యవహరించిందని, నేరానికి సంబంధించి అన్ని ఆధారాలను నాశనం చేయాలని ప్రయత్నించిందని కోర్టు పేర్కొంది. నిందితురాలి వయస్సును పరిగణనలోకి తీసుకుని శిక్షను తగ్గించాలన్న వాదనను కోర్టు తిరస్కరించింది. ఇది అరుదైన కేసుగా పేర్కొంటూ ఆమెకు ఉరిశిక్ష విధించాలని బాధితుడి తరఫు న్యాయవాది వాదించారు.
శరణ్ రాజ్ తనతో బ్రేకప్ చేయడాన్ని అంగీకరించకపోవడంతో గ్రీష్మ హత్యకు పథకం వేసింది. విషం కలిపిన డ్రింక్ ఇచ్చిన 11 రోజుల తర్వాత అతను మరణించాడు. కోర్టు విచారణలో డిజిటల్, శాస్త్రీయ ఆధారాల ఆధారంగా నిందితురాలి నేరం రుజువైంది.
ఈ కేసులో గ్రీష్మపై హత్యతో సహా పలు సెక్షన్ల కింద అభియోగాలు నమోదయ్యాయి. ఆమె మామ నిర్మలకుమారన్ నాయర్ సాక్ష్యాలను ధ్వంసం చేసినందుకు దోషిగా తేలాడు. అయితే, సాక్ష్యాలేమీ లేకపోవడంతో అతని తల్లి కోర్టు నుంచి విముక్తి పొందింది.
