కాఫీ లేదా టీ తాగేవారికి శుభవార్త. రోజుకు మూడు కప్పుల కాఫీ లేదా టీ తాగే వారు గుండె జబ్బులు వచ్చే ప్రమాదాన్ని సగానికి తగ్గించుకుంటున్నారు.
చైనా సైంటిస్టుల అధ్యయన ప్రకారం, కాఫీ, టీలు తీసుకోవడం వల్ల హృద్రోగాలను దూరం పెట్టే అవకాశాలు ఉన్నాయి. ఇందులో ఉండే కెఫైన్, ఆరోగ్యానికి అనేక ప్రయోజనాలు ఇస్తోంది.
సుషౌ యూనివర్సిటీ పరిశోధకులు చేసిన పరిశీలనలో, రోజుకు మూడు కప్పుల కాఫీ తాగితే 200 నుంచి 300 మిల్లీగ్రాముల కెఫైన్ శరీరంలోకి చేరుతుంది.
ఈ కెఫైన్ మదుమేహం, పక్షవాతం వంటి జబ్బులను దూరం పెట్టడంలో సహాయపడుతుందని తేలింది. దీనివల్ల గుండె ఆరోగ్యం మెరుగుపడుతోంది.
కాఫీ, టీలు మాత్రమే కాదు, కెఫైన్ ఉండే చాక్లెట్లు, ఎనర్జీ డ్రింకులు, స్నాక్ బార్స్ కూడా ఆరోగ్యానికి మేలు చేస్తాయని వారు వెల్లడించారు.
రోజుకు 300 మిల్లీగ్రాముల కెఫైన్ తీసుకోవడం ద్వారా గుండె జబ్బుల ముప్పు 48% తగ్గుతుందని అధ్యయనం చెబుతోంది.
ఈ అధ్యయనంలో యూకో బయోబ్యాంక్ డాటా నుంచి లక్షలాది మంది వ్యక్తుల ఆరోగ్య వివరాలను విశ్లేషించారు.
ఈ పరిశీలనలో కాఫీ తాగే వారిలో గుండె జబ్బులు తక్కువగా ఉండడం పరిశోధకులు గుర్తించారు.
