గుంటూరు జిల్లా నరసరావుపేటలో ఆన్లైన్ బెట్టింగ్ యువకుడి ప్రాణాలను బలితీసుకుంది. కనుపోలు ఉదయ్ కిరణ్ (32) అనే యువకుడు ఇంట్లో ఉరేసుకుని ఆత్మహత్య చేసుకున్నాడు. అతను గత కొంతకాలంగా ఆన్లైన్ బెట్టింగ్‌కు బానిసై పది లక్షల రూపాయలకు పైగా కోల్పోయినట్టు సమాచారం.
ఉదయ్ కిరణ్ కుటుంబానికి ఆర్థిక పరిస్థితి అంతగా బాగాలేదని తెలుస్తోంది. కూరగాయలు అమ్ముకుంటూ జీవనం సాగిస్తున్న అతను, ఆన్లైన్ బెట్టింగ్ వల్ల అప్పుల్లో కూరుకుపోయాడు. అప్పుల బాధ తట్టుకోలేక మనస్థాపానికి గురై ఇంట్లో ఉరివేసుకుని ప్రాణత్యాగం చేసుకున్నాడు.
ఈ ఘటన తెలిసిన కుటుంబ సభ్యులు, స్థానికులు విషాదంలో మునిగిపోయారు. విషయం తెలిసిన వెంటనే పోలీసులు ఘటన స్థలానికి చేరుకుని మృతదేహాన్ని పోస్టుమార్టం కోసం తరలించారు. ప్రాథమిక విచారణలో అతను భారీగా అప్పులు చేసినట్లు తెలుస్తోంది.
ఆన్లైన్ బెట్టింగ్ కారణంగా మరింత మంది యువకులు ఇలాంటి పరిస్థితే చేరకూడదని స్థానికులు ఆందోళన వ్యక్తం చేస్తున్నారు. పూర్తి వివరాలు తెలియాల్సి ఉంది. పోలీసులు కేసు నమోదు చేసి దర్యాప్తు కొనసాగిస్తున్నారు.
