భారత్–పాకిస్తాన్‌ల మధ్య ఉద్రిక్తతల నేపథ్యంలో చైనా కీలక ప్రకటన చేసింది. భారత్, పాక్ మధ్య నెలకొన్న సమస్యలను చర్చల ద్వారానే పరిష్కరించుకోవాలని సూచించింది. ఉగ్రవాదానికి తాము పూర్తిగా వ్యతిరేకమని చైనా విదేశాంగ మంత్రి స్పష్టం చేశారు. రెండు దేశాల మధ్య శాంతి నెలకొనాలని తమ ఆశ అని తెలిపారు.
భారత్, పాకిస్తాన్‌లతో తమకు సరిహద్దులు ఉండటంతో ఈ ప్రాంతంలో శాంతి, స్థిరత కొనసాగాల్సిన అవసరం ఉందని చైనా అభిప్రాయపడింది. మళ్లీ దాడులు జరగడం వల్ల పరిస్థితులు మరింత ఉద్రిక్తతకు దారితీయవచ్చని హెచ్చరించింది. భద్రతా పరిస్థితులను చర్చల ద్వారానే పరిష్కరించుకోవాలని సూచించింది.
భారత్–పాక్ సరిహద్దుల్లో శాంతి భద్రతల కోసం నిబంధనలతో కూడిన ఒప్పందాలు అవసరమని చైనా అభిప్రాయపడింది. ఇరు దేశాలు పరస్పర సహకారంతో ముందుకు సాగాలని, పక్కా చర్చా వేదికల ద్వారా సమస్యల పరిష్కారానికి దారి తీయాలని పేర్కొంది. ప్రత్యేకంగా ఉగ్రవాద శక్తులను అరికట్టేందుకు సమిష్టిగా చర్యలు తీసుకోవాలంటూ హితవు పలికింది.
ఇండియా చేపట్టిన ‘ఆపరేషన్ సిందూర్’ దాడుల నేపథ్యంలో చైనా ఈ ప్రకటన చేయడం గమనార్హం. ప్రాంతీయ స్థిరతకు భంగం కలిగే చర్యలపై ఆందోళన వ్యక్తం చేసిన చైనా, సమగ్రతతో కూడిన శాంతి యత్నాలే అనుకూలమని పేర్కొంది. అంతర్జాతీయంగా పెరుగుతున్న ఉగ్రవాదంపై పోరాటంలో సమగ్రత, సంయమనం అవసరమని పేర్కొంది.
