హైదరాబాద్ వాసవి ఇంజనీరింగ్ కాలేజీలో ఉస్మానియా యూనివర్శిటీ సహకారంతో ఫిజికల్ ఎడ్యుకేషన్ అండ్ స్పోర్ట్స్పై అంతర్జాతీయ కాన్ఫరెన్స్ 2025ను ప్రారంభించారు. ఈ కార్యక్రమాన్ని మిస్టర్ జూపల్లి కృష్ణారావు ప్రారంభించారు. ఇంటర్నేషనల్ ఫెడరేషన్ ఆఫ్ ఫిజికల్ ఎడ్యుకేషన్, ఫిట్నెస్ అండ్ స్పోర్ట్స్ సైన్స్ అసోసియేషన్, ఇండియా ఫిజికల్ ఎడ్యుకేషన్ విభాగం ఆధ్వర్యంలో ఈ సదస్సును నిర్వహించారు.
ఈ కాన్ఫరెన్స్లో ప్రపంచవ్యాప్తంగా ఫిజికల్ ఎడ్యుకేషనల్ ప్రొఫెసర్లు, స్పోర్ట్స్ సైంటిస్టులు, కోచ్లు, ట్రైనర్లు, డాక్టర్లు, విద్యార్థులు పాల్గొన్నారు. స్పోర్ట్స్ సైన్స్, హెల్త్, ఫిట్నెస్, నాణ్యమైన జీవనశైలిపై ప్రాముఖ్యతను పెంపొందించేందుకు ఇది ఒక వేదికగా నిలిచింది.
ఈ సందర్భంగా ఓయూ ప్రొఫెసర్ రాజేష్ కుమార్, డాక్టర్ భాస్కర్ చౌదరి మాట్లాడుతూ, క్రీడలు ప్రపంచంలో శాంతి, ఐక్యత, లింగ సమానత్వాన్ని పెంపొందించేందుకు ఎలా సహాయపడతాయనే అంశంపై చర్చించారు. ఫిజికల్ ఎడ్యుకేషన్ ద్వారా వ్యక్తుల ఆరోగ్యాన్ని మెరుగుపర్చే మార్గాలను వివరించారు.
ఈ సదస్సులో స్పోర్ట్స్ కోచింగ్, న్యూట్రిషన్, హెల్త్, టెక్నాలజీ, ఫిజికల్ లిటరసీ, స్పోర్ట్స్ సైకాలజీ వంటి అంశాలపై ప్రత్యేక సెషన్లు నిర్వహించారు. ఫిజికల్ ఎడ్యుకేషన్ రంగంలో తాజా పరిశోధనలు, సాంకేతికతలు, వ్యాయామ విధానాలను అభివృద్ధి చేయడంపై ఈ సమావేశంలో ప్రాముఖ్యతనిచ్చారు.
