LIVE
Saturday, November 21, 2026
LIVE
LIVE

PM Modi speech | సవాళ్లను ఎదుర్కోవాలి.. అప్పుడే దేశం అభివృద్ధి చెందుతుంది: మోడీ

by Bajaswamy
7 views
PM Narendra Modi

PM Modi speech: దేశ అభివృద్ధికి అడ్డంకులు బయట ఎక్కడో ఉండవు.. చాలాసార్లు మన ఆలోచనల్లోనే దాగి ఉంటాయి. ఆ పరిమితులను ఛేదించి, ఎలాంటి సవాళ్లనైనా ధైర్యంగా ఎదుర్కొన్నప్పుడే వ్యక్తులు, సమాజం, దేశం ఉన్నత శిఖరాలను చేరుకోగలవని ప్రధానమంత్రి నరేంద్ర మోడీ పిలుపునిచ్చారు. పశ్చిమ బెంగాల్‌లోని ఐఐటీ ఖరగ్‌పూర్ 75 ఏళ్ల ప్రస్థానాన్ని పురస్కరించుకుని నిర్వహించిన ప్లాటినం జూబ్లీ వేడుకల్లో ఆయన ముఖ్య అతిథిగా పాల్గొని విద్యార్థులు, యువ పరిశోధకులకు కీలక సందేశం ఇచ్చారు. ఈ సందర్భంగా మాట్లాడుతూ.. సంకుచిత ఆలోచనలను విడిచిపెట్టి విశాల దృక్పథంతో ముందుకు సాగాలని సూచించారు. దేశ పురోగతిని అడ్డుకునే ప్రధాన సమస్య మనసులోని పరిమితులేనని అభిప్రాయపడ్డారు. ఒకప్పుడు భారత్ పేదరికం నుంచి బయటపడలేదనే భావన ఉండేదని, కానీ సరైన సంకల్పం, కార్యాచరణతో పరిస్థితులను మార్చవచ్చని తమ ప్రభుత్వం నిరూపించిందన్నారు.

పేదల ఆత్మగౌరవాన్ని పెంచే లక్ష్యంతో మరుగుదొడ్ల నిర్మాణానికి ప్రాధాన్యత ఇచ్చినట్లు గుర్తుచేశారు. దేశంలో దాదాపు 50 కోట్ల మంది పేదరికం నుంచి బయటపడినట్లు ప్రపంచ బ్యాంకు నివేదిక పేర్కొన్న విషయాన్ని ప్రస్తావించారు. గత 75 ఏళ్లలో ఎడ్లబండ్ల నుంచి బుల్లెట్ రైళ్ల వరకు భారత్ సాధించిన ప్రయాణం అసాధారణమని మోడీ వివరించారు. ఈ మార్పులకు ఐఐటీ ఖరగ్‌పూర్ కూడా సాక్షిగా నిలిచిందన్నారు. అంతరిక్ష రంగంలో యువ ప్రతిభకు అవకాశాలు కల్పించడం ద్వారా ఇస్రో విజయాలకు బాటలు వేశామని చెప్పారు. సెమీకండక్టర్ రంగంలోనూ గతంలో కోల్పోయిన అవకాశాలను తిరిగి అందిపుచ్చుకుంటూ నాలుగేళ్లలోనే కీలక మౌలిక సదుపాయాలను అభివృద్ధి చేసినట్లు వెల్లడించారు. 2047 నాటికి వికసిత భారత్ లక్ష్యాన్ని సాధించడంలో ఐఐటీ ఖరగ్‌పూర్ వంటి విద్యాసంస్థలు కీలక భూమిక పోషించాలని ప్రధాని ఆకాంక్షించారు. విద్యార్థులు వ్యక్తిగత విజయాలకే పరిమితం కాకుండా దేశ సమస్యలకు పరిష్కారాలు చూపే ఆవిష్కర్తలుగా ఎదగాలని పిలుపునిచ్చారు. మొత్తంగా, సవాళ్లను అవకాశాలుగా మలుచుకుంటూ ఆత్మవిశ్వాసం, ఆవిష్కరణలు, దేశభక్తితో ముందుకు సాగితేనే 2047 నాటికి అభివృద్ధి చెందిన భారత్ కల సాకారమవుతుందని మోడీ తన ప్రసంగం ద్వారా స్పష్టం చేశారు.

banner

You may also like

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More