SSMB29: భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్న ప్రాజెక్టుల్లో SSMB29 ఒకటి. మహేష్ బాబు–దర్శకధీరుడు రాజమౌళి కాంబినేషన్లో తెరకెక్కుతున్న ఈ చిత్రం నుంచి ఆగస్టు 9న ఏదైనా ప్రత్యేక అప్డేట్ వస్తుందా అనే ఆసక్తి నెలకొంది. అయితే తాజా సమాచారం అభిమానులను ఆశ్చర్యానికి గురిచేస్తోంది. సూపర్ స్టార్ మహేష్ బాబు పుట్టినరోజు సందర్భంగా ఆయన కొత్త సినిమాలకు సంబంధించిన టీజర్, గ్లింప్స్ లేదా మోషన్ పోస్టర్ విడుదల కావడం అభిమానులకు ప్రత్యేక ఆకర్షణగా మారింది. అయితే సినీ వర్గాల్లో వినిపిస్తున్న సమాచారం ప్రకారం, ఈసారి అభిమానులు ఆశించిన ‘వారణాసి’ నుంచి వీడియో గ్లింప్స్ విడుదలయ్యే అవకాశం తక్కువగా కనిపిస్తోంది. దానికి బదులుగా మహేష్ బాబు సరికొత్త మేకోవర్ను ఆవిష్కరించే ప్రత్యేక బర్త్డే పోస్టర్ను మాత్రమే విడుదల చేయాలని చిత్రబృందం భావిస్తున్నట్లు టాక్ వినిపిస్తోంది.
భారీ బడ్జెట్తో రూపొందుతున్న ఈ గ్లోబల్ యాక్షన్ అడ్వెంచర్ చిత్రానికి సంబంధించి కీలక విజువల్స్ను ఇప్పుడే బయటపెట్టేందుకు రాజమౌళి ఆసక్తి చూపడం లేదని సమాచారం. సినిమా విడుదలకు సమయం దగ్గరపడిన తర్వాతే టీజర్లు, గ్లింప్స్, ఇతర ప్రమోషనల్ మెటీరియల్ను విడుదల చేయడం ఆయన అనుసరించే వ్యూహంగా సినీ పరిశ్రమలో గుర్తింపు ఉంది. ఇప్పటివరకు ఈ ప్రచారాన్ని చిత్రబృందం ధృవీకరించలేదు. దీంతో ఆగస్టు 9న నిజంగా ఎలాంటి సర్ప్రైజ్ ఉంటుందో తెలుసుకోవాలని అభిమానులు ఉత్కంఠగా ఎదురుచూస్తున్నారు.
ALSO READ: Jantar Mantar Protest | జంతర్ మంతర్ కేసులో ట్విస్ట్.. మైనర్పై ఫిర్యాదు వెనక్కి!
