AP Municipal Elections 2026: ఆంధ్రప్రదేశ్‌లో రాజకీయ వేడి మరింత పెరగనుంది. ఇప్పటికే గ్రామీణ ప్రాంతాల్లో స్థానిక సంస్థల ఎన్నికల సందడి కొనసాగుతుండగా.. తాజాగా పట్టణ ప్రాంతాల్లోనూ ఎన్నికల నగారా మోగింది. రాష్ట్రంలోని 23 పట్టణ స్థానిక సంస్థలకు ఎన్నికలు నిర్వహించేందుకు రాష్ట్ర ఎన్నికల సంఘం సిద్ధమైంది. ఈ మేరకు రాష్ట్ర ఎన్నికల కమిషనర్ అనిల్ చంద్ర పునేఠా ఎన్నికల షెడ్యూల్‌ను ప్రకటించారు. మొత్తం 19 మున్సిపాలిటీలు, 4 మున్సిపల్ కార్పొరేషన్లకు ఎన్నికలు జరగనున్నాయి. నవంబర్ 14న అధికారిక ఎన్నికల నోటిఫికేషన్ విడుదల చేయనున్నట్లు కమిషనర్ వెల్లడించారు. ఎన్నికల షెడ్యూల్ ప్రకటనతో ఆయా 23 పట్టణ స్థానిక సంస్థల పరిధిలో గురువారం నుంచే ఎన్నికల ప్రవర్తనా నియమావళి అమల్లోకి వచ్చినట్లు స్పష్టం చేశారు. దీంతో ఆయా ప్రాంతాల్లో రాజకీయ పార్టీల ప్రచారాలు, అభ్యర్థుల ఎంపికపై ఆసక్తి నెలకొంది. మొత్తంగా ఏపీ పట్టణ స్థానిక సంస్థల ఎన్నికలు రాష్ట్ర రాజకీయాల్లో ఎలాంటి పరిణామాలకు దారితీస్తాయో వేచి చూడాలి.
ALSO READ: Shekar Master Car Accident | శేఖర్ మాస్టర్ కారుకు లారీ ఢీ.. తృటిలో తప్పిన ప్రమాదం!
