NBK 111: మాస్ హిట్గా నిలిచిన ‘వీరసింహారెడ్డి’ తర్వాత బాలకృష్ణ-గోపీచంద్ మలినేని కాంబినేషన్లో మరో ప్రతిష్ఠాత్మక చిత్రం రూపుదిద్దుకుంటోంది. బాలకృష్ణ కెరీర్లో 111వ(NBK 111) చిత్రంగా రూపొందుతున్న ఈ ప్రాజెక్ట్ ఇప్పటికే సినీ వర్గాల్లో విశేష ఆసక్తిని రేకెత్తిస్తోంది. భారీ బడ్జెట్తో తెరకెక్కుతున్న ఈ చిత్రాన్ని వృద్ధి సినిమాస్ బ్యానర్పై వెంకట సతీశ్ కిలారు నిర్మిస్తున్నారు.
మాస్ యాక్షన్ ఎంటర్టైనర్గా రూపొందుతున్న ఈ సినిమా కథ ముంబై నేపథ్యంతో సాగనున్నట్లు సమాచారం. ఇందులో బాలకృష్ణ శక్తివంతమైన గ్యాంగ్స్టర్ పాత్రలో కనిపించనున్నారని టాలీవుడ్ వర్గాలు చెబుతున్నాయి. ఆయన పాత్రను అత్యంత పవర్ఫుల్గా తీర్చిదిద్దినట్లు తెలుస్తోంది. మరోవైపు నటుడు మంచు మనోజ్ ఈ చిత్రంలో కీలక ప్రతినాయకుడి పాత్ర పోషిస్తున్నట్లు వార్తలు వినిపిస్తున్నాయి. హీరో-విలన్ మధ్య సాగే ఘర్షణలు సినిమాకు ప్రధాన ఆకర్షణగా నిలవనున్నాయని ప్రచారం జరుగుతోంది.
ఇదిలా ఉండగా, బాలకృష్ణ పుట్టినరోజు సందర్భంగా చిత్ర బృందం అభిమానులకు ప్రత్యేక కానుక సిద్ధం చేసింది. ఈరోజు సాయంత్రం 5:40 గంటలకు సినిమా ఫస్ట్ లుక్తో పాటు గ్లింప్స్ను విడుదల చేయనున్నట్లు అధికారికంగా ప్రకటించింది. “కొత్త శకానికి నాంది పలికే వేడుకలకు సిద్ధంగా ఉండండి” అంటూ మేకర్స్ చేసిన ప్రకటన అభిమానుల్లో ఉత్సాహాన్ని మరింత పెంచింది.
గోపీచంద్ మలినేని మాస్ ఎలివేషన్స్, బాలకృష్ణ ఎనర్జీ, ఎస్.ఎస్. థమన్ సంగీతం కలిస్తే ఈ చిత్రం మరో భారీ కమర్షియల్ హిట్గా నిలిచే అవకాశాలు ఉన్నాయని సినీ విశ్లేషకులు భావిస్తున్నారు. ఫస్ట్ లుక్, గ్లింప్స్ విడుదల తర్వాత సినిమాపై అంచనాలు మరింత పెరిగే అవకాశం కనిపిస్తోంది.
- Advertisement -
- Advertisment -
Must Read
India vs Zimbabwe | ఇషాన్ కిషన్ విధ్వంసం.. తిలక్ వర్మ తుఫాన్.. జింబాబ్వేకు భారీ...
India vs Zimbabwe: జింబాబ్వే బౌలర్లపై భారత యువ బ్యాటర్లు ఇషాన్ కిషన్, తిలక్ వర్మ విరుచుకుపడ్డారు. హరారే వేదికగా జరిగిన రెండో టీ20లో ఇద్దరూ హాఫ్ సెంచరీలతో మెరిసి, మెరుపు భాగస్వామ్యంతో భారత్ను...
- Advertisement -
