Chennai Love Story: తెలుగు సినీ పరిశ్రమలో రిలీజ్కు ముందే ఓ తెలుగు ప్రేమకథా చిత్రం భారీ హైప్తో వార్తల్లో నిలుస్తోంది. కిరణ్ అబ్బవరం, శ్రీ గౌరి ప్రియ జంటగా నటించిన ‘చెన్నై లవ్ స్టోరీ’ విడుదలకు ముందే బాక్సాఫీస్ వద్ద సత్తా చాటింది. పెయిడ్ ప్రీమియర్స్తో ప్రేక్షకుల ముందుకు వచ్చిన ఈ చిత్రం ఏకంగా రూ.3.13 కోట్ల గ్రాస్ వసూలు చేసి ప్రేమకథా చిత్రాల్లో అరుదైన రికార్డును సొంతం చేసుకుంది. లవ్ స్టోరీ జానర్లో ఇంత భారీ స్థాయిలో ప్రీమియర్ వసూళ్లు సాధించిన చిత్రంగా నిలిచిందని చిత్రబృందం తెలిపింది.
పెయిడ్ ప్రీమియర్స్తో మంచి మౌత్ పబ్లిసిటీ దక్కించుకున్న ఈ సినిమాకు తొలి రోజు కూడా ప్రేక్షకుల నుంచి విశేష ఆదరణ లభిస్తోంది. తొలి ఆట నుంచే ప్రేక్షకుల ప్రశంసలు దక్కుతుండటంతో బాక్సాఫీస్ వద్ద సినిమా విజయవంతమైన ప్రయాణం ప్రారంభించిందని ట్రేడ్ వర్గాలు అంచనా వేస్తున్నాయి. అమృత ప్రొడక్షన్స్, మాస్ మూవీ మేకర్స్ సంయుక్తంగా నిర్మించిన ఈ చిత్రానికి ఎస్కేఎన్, సాయి రాజేష్ నిర్మాతలుగా వ్యవహరించారు. ఈ చిత్రానికి కథను సాయి రాజేష్ రూపొందించగా, దర్శకత్వ బాధ్యతలను రవి నంబూరి నిర్వహించారు. రొమాంటిక్ ఎమోషన్స్, సంగీతం, ప్రధాన తారాగణం నటనకు ప్రేక్షకుల నుంచి మంచి స్పందన వస్తుండటంతో రాబోయే రోజుల్లో వసూళ్లు మరింత పెరిగే అవకాశాలు ఉన్నాయని సినీ విశ్లేషకులు భావిస్తున్నారు.
ALSO READ: CM Revanth Reddy | జనావాసాల మధ్యే ఇందిరమ్మ ఇళ్లు.. అధికారులకు సీఎం రేవంత్ కీలక ఆదేశాలు
