Raghavi: టాలీవుడ్, కోలీవుడ్ చిత్ర పరిశ్రమల్లో కొరియోగ్రాఫర్గా తన కెరీర్ను ప్రారంభించి, తరువాత హీరోగా, దర్శకుడిగా, నిర్మాతగా విభిన్న పాత్రల్లో తన ప్రత్యేక ముద్ర వేసుకున్న రాఘవ లారెన్స్(Raghava Lawrence) ప్రస్తుతం అనేక భారీ చిత్రాల పనుల్లో నిమగ్నమై ఉన్నారు. ప్రస్తుతం ఆయన సమయమంతా ‘కాంచన-4’, ‘బెంజ్’, ‘కాలభైరవ’ వంటి ప్రాజెక్టులకే కేటాయిస్తున్నారు.
ఇదిలా ఉండగా, లారెన్స్ కుటుంబం నుంచి మరో కొత్త టాలెంట్ సినీ రంగంలోకి అడుగుపెట్టబోతుందనే వార్త ఇప్పుడు సోషల్ మీడియాలో వైరల్ అవుతోంది. ఆయన కూతురు రాఘవి సినిమాల్లోకి ఎంట్రీ ఇవ్వడానికి సన్నాహాలు పూర్తి చేసుకున్నారని సమాచారం. సాధారణంగా స్టార్ కిడ్స్ హీరోలుగానో, హీరోయిన్లుగానో లేదా ప్రొడక్షన్ వైపు అడుగులు వేస్తుంటారు.
కానీ రాఘవి మాత్రం అందుకు భిన్నంగా దర్శకురాలిగా ఇండస్ట్రీలోకి రావాలని నిర్ణయించుకున్నట్లు తెలుస్తోంది. చిన్నప్పటి నుంచే సినిమా మేకింగ్, కథా రచనపై ఆసక్తి కలిగిన ఆమె, అమెరికాలో డైరెక్షన్ టెక్నాలజీపై ప్రత్యేక కోర్సు కూడా పూర్తిచేసినట్లు సమాచారం. ఇండస్ట్రీలో సాధారణంగా దర్శకులు అసిస్టెంట్గా ఎన్నో సంవత్సరాలు పనిచేసి అనుభవం సంపాదిస్తారు.
అయితే రాఘవి మాత్రం నేరుగా దర్శకత్వ బాధ్యతలు చేపట్టబోతుండటంతో ఇది పెద్ద చర్చగా మారింది. ఇది ఒక రిస్క్ అయినా, తన విజన్పై ఉన్న నమ్మకంతోనే ఈ నిర్ణయం తీసుకున్నారని సినీ వర్గాలు చెబుతున్నాయి. తన కూతురి నిర్ణయానికి రాఘవ లారెన్స్ కూడా గ్రీన్ సిగ్నల్ ఇచ్చినట్లు తెలుస్తోంది. అంతేకాదు, ఈ ప్రాజెక్ట్ను తన సొంత బ్యానర్లో భారీ బడ్జెట్తో నిర్మించేందుకు ఆయన సిద్ధమవుతున్నారని సమాచారం.
ఇప్పటికే కథా చర్చలు పూర్తయ్యాయని కూడా టాక్ వినిపిస్తోంది. ఇంతకు ముందు తన తమ్ముడు ఎల్విన్ లారెన్స్ను కూడా సినీ రంగానికి పరిచయం చేసిన ఆయన, ఇప్పుడు తన కూతురిని దర్శకురాలిగా లాంచ్ చేయడం ద్వారా కుటుంబం నుంచి మరో కొత్త ప్రతిభను పరిశ్రమకు అందిస్తున్నారని భావిస్తున్నారు. రాఘవి మొదటి చిత్రం ఎలా ఉంటుందన్నది ఇప్పుడు ఆసక్తికరంగా మారింది.
- Advertisement -
- Advertisment -
Must Read
CM Chandrababu Naidu | బాలకృష్ణకు సీఎం చంద్రబాబు ఫోన్.. ఆరోగ్యంపై ఆరా
CM Chandrababu Naidu: కాకినాడలో సినిమా షూటింగ్లో ప్రమాదానికి గురైన నందమూరి బాలకృష్ణ ఆరోగ్యంపై సీఎం చంద్రబాబు నాయుడు ఆరా తీశారు. ప్రమాదం జరిగిన విషయం తెలుసుకున్న ఆయన బాలకృష్ణతో ఫోన్లో మాట్లాడి ప్రస్తుత ఆరోగ్య...
- Advertisement -
