BJP MLA Deepesh Sahu: ఛత్తీస్గఢ్లో బీజేపీ ఎమ్మెల్యే దీపేశ్ సాహు ఒక ప్రత్యేక నిర్ణయంతో వార్తల్లో నిలిచారు. రాష్ట్ర ప్రభుత్వం నిర్వహించిన ‘ముఖ్యమంత్రి కన్యా వివాహ యోజన’ కింద జరిగిన సామూహిక వివాహ కార్యక్రమంలో ఆయన వివాహం చేసుకున్నారు. బెమెతారా నియోజకవర్గానికి చెందిన 35 ఏళ్ల ఎమ్మెల్యే దీపేశ్ సాహు, తరుణా సాహుతో కలిసి ఈ వేడుకలో ఒక్కటయ్యారు. ఈ సామూహిక వివాహంలో మరో 20 జంటలు కూడా వివాహ బంధంలోకి అడుగుపెట్టాయి.
ఈ కార్యక్రమంలో ఉపముఖ్యమంత్రి అరుణ్ సావో స్థానిక సంప్రదాయం ప్రకారం వరుడిని ఎడ్లబండిపై ఊరేగింపుగా తీసుకువచ్చారు. ఆర్థికంగా వెనుకబడిన కుటుంబాలకు పెళ్లి భారం కాకుండా ఉండాలనే లక్ష్యంతో ప్రభుత్వం ఈ పథకాన్ని అమలు చేస్తోంది. ఎమ్మెల్యే నిర్ణయాన్ని ముఖ్యమంత్రి విష్ణుదేవ్ సాయ్ ప్రశంసించారు. ఇది సమాజానికి స్ఫూర్తిదాయకమని ఆయన పేర్కొన్నారు.
అయితే, పేదల కోసం ఉద్దేశించిన ప్రభుత్వ పథకాన్ని ఎమ్మెల్యే వినియోగించుకోవడంపై కాంగ్రెస్ నేతలు కొందరు అభ్యంతరం వ్యక్తం చేశారు. ఈ అంశం రాజకీయంగా చర్చనీయాంశంగా మారింది. వివాహ అనంతరం బెమెతారా జిల్లా అభివృద్ధికి రూ.105 కోట్లకు పైగా విలువైన ప్రాజెక్టులను ప్రభుత్వం ప్రకటించడం కూడా ప్రాధాన్యం సంతరించుకుంది.
- Advertisement -
- Advertisment -
Must Read
Indus Waters Treaty | భారత్ ఇచ్చిన షాక్కు పాక్ విలవిల, సింధు వివాదం.. భారత్...
Indus Waters Treaty: సింధు జలాల ఒప్పందానికి సంబంధించిన అంతర్జాతీయ మధ్యవర్తిత్వ వివాదంలో పాకిస్థాన్కు ఆర్థిక భారం పెరుగుతోంది. భారత్ ఈ ప్రక్రియకు దూరంగా ఉండటంతో, విచారణ నిర్వహణకు సంబంధించిన మొత్తం ఖర్చును ప్రస్తుతం...
- Advertisement -
