Nagabandham: థియేటర్లలో విడుదలైన కొద్ది రోజులకే మరో తెలుగు సినిమా ఓటీటీ బాట పట్టింది. ఫాంటసీ అడ్వెంచర్ నేపథ్యంలో తెరకెక్కిన ‘నాగబంధం: ది సీక్రెట్ ట్రెజర్’ డిజిటల్ స్ట్రీమింగ్కు సిద్ధమైంది. ప్రధాన పాత్రల్లో విరాట్ కర్ణ, నభా నటేష్, ఐశ్వర్య మీనన్న టించగా, త్వరలో ఓటీటీ ప్రేక్షకులను అలరించనుంది. అభిషేక్ నామ దర్శకత్వంలో తెరకెక్కిన ఈ సినిమా జూలై 3న తెలుగు, తమిళ, కన్నడ, మలయాళ, హిందీ భాషల్లో ప్రపంచవ్యాప్తంగా విడుదలైంది. అయితే భారీ అంచనాల మధ్య థియేటర్లలోకి వచ్చిన ఈ చిత్రానికి ఆశించిన స్థాయిలో ప్రేక్షకుల ఆదరణ లభించకపోవడంతో బాక్సాఫీస్ వద్ద నిరాశ ఎదురైంది.
ఈ సినిమా ఓటీటీ హక్కులను అమెజాన్ ప్రైమ్ వీడియో దక్కించుకుంది. జూలై 24 నుంచి తెలుగు, తమిళ, కన్నడ, మలయాళ భాషల్లో స్ట్రీమింగ్ చేయనున్నట్లు అధికారికంగా ప్రకటించింది. థియేటర్లలో మిస్ అయిన ప్రేక్షకులకు ఇప్పుడు ఇంటి నుంచే ఈ చిత్రాన్ని వీక్షించే అవకాశం లభించనుంది. పురాణాలు, సాహస యాత్ర, రహస్య నిధి నేపథ్యంలో రూపొందిన ఈ చిత్రంలో అనసూయ, జగపతి బాబు, మురళీ శర్మ, దక్ష నాగర్కర్ కీలక పాత్రలు పోషించారు.
జునైద్ కుమార్, అభే సంగీతం అందించగా, నిక్ స్టూడియోస్, అభిషేక్ పిక్చర్స్ బ్యానర్లపై కిషోర్ అన్నపురెడ్డి, నిషితా నాగిరెడ్డి నిర్మించారు. ఓటీటీలో ఈ సినిమా ఎలాంటి ఆదరణ పొందుతుందో ఆసక్తికరంగా మారింది.
ALSO READ: IND vs ZIM | వైభవ్ విధ్వంసం.. శ్రేయస్కు తొలి విజయం
