దేశంలోని బైక్ ప్రేమికులను ఆకట్టుకునేలా జర్మన్ లగ్జరీ వాహన దిగ్గజం BMW తన సరికొత్త కాన్సెప్ట్ టూరింగ్ బైక్ ‘BMW Vision K18’ను ప్రపంచానికి పరిచయం చేసింది. ఇటలీలోని కోమో సరస్సు ఒడ్డున జరిగిన ప్రతిష్టాత్మక ‘కాన్కోర్సో డి’ఎలెగాంజా విల్లా డి’ఎస్టే’ ఈవెంట్లో ఈ ఫ్యూచరిస్టిక్ బైక్ను ఆవిష్కరించారు.
భవిష్యత్ హై-పర్ఫార్మెన్స్ టూరింగ్ బైక్లకు ఇది ఒక కొత్త దిశను చూపిస్తుందని BMW మోటరాడ్ వెల్లడించింది. ప్రస్తుతం ఇది కాన్సెప్ట్ మోడల్ మాత్రమే అయినప్పటికీ, భవిష్యత్తులో BMW నుంచి రానున్న గ్రాండ్ టూరింగ్ బైక్ల డిజైన్ భాషకు ఇది బలమైన సంకేతంగా భావిస్తున్నారు.
BMW Vision K18 రూపకల్పనలో శక్తి, లగ్జరీ, పనితీరు, భవిష్యత్ టెక్నాలజీని సమన్వయం చేశారు. ఈ బైక్ మొత్తం నిర్మాణం 1,800cc సామర్థ్యం గల భారీ ఎలివేటింగ్-సిక్స్ ఇంజిన్ చుట్టూ రూపొందించబడింది. బైక్ డిజైన్లో ఇంజిన్ను ప్రధాన ఆకర్షణగా నిలిపేలా కంపెనీ ప్రత్యేక శ్రద్ధ తీసుకుంది.
ఈ భారీ ఇంజిన్ బైక్కు మస్క్యులర్ లుక్ను అందించడమే కాకుండా, నిలిచివున్నప్పటికీ వేగంగా దూసుకెళ్తున్న అనుభూతిని కలిగించేలా రూపొందించారు.
ఈ కాన్సెప్ట్ బైక్ డిజైన్కు ప్రపంచంలోనే అత్యంత వేగవంతమైన ప్రయాణికుల విమానాల్లో ఒకటైన కాంకోర్డ్ నుంచి ప్రేరణ పొందినట్లు BMW తెలిపింది. బైక్లో ఆరు సిలిండర్ల ఇంజిన్ ఉండటంతో, దాని థీమ్కు అనుగుణంగా ఆరు ఎయిర్ ఇన్టేక్లు, ఆరు ఎగ్జాస్ట్ పైపులు, ఆరు LED హెడ్లైట్లు అమర్చారు. వీటి వల్ల బైక్కు అత్యంత ప్రత్యేకమైన మరియు అగ్రెసివ్ లుక్ వచ్చింది.
BMW Vision K18లో ఉపయోగించిన అల్యూమినియం బాడీ ప్యానెల్లను చేతితో తయారు చేశారు. ముఖ్యంగా 2 మీటర్లకు పైగా పొడవున్న సైడ్ ప్యానెల్ ఒకే మెటల్ బ్లాక్తో రూపొందించినట్లు కనిపించడం దీని ప్రత్యేకత. కార్బన్ ఫైబర్, మెరిసే మెటాలిక్ ఫినిష్లను ఉపయోగించడం ద్వారా బైక్కు ప్రీమియం స్పోర్టీ లుక్ను అందించారు.
సాంకేతిక అంశాల్లో కూడా ఈ బైక్ ప్రత్యేకతను చాటుకుంది. హైడ్రాలిక్గా తగ్గించగలిగే సస్పెన్షన్ సిస్టమ్, పెద్ద ఎయిర్ ఇన్టేక్లు, కూల్డ్ హెడ్లైట్ టెక్నాలజీ వంటి ఫీచర్లు ఇందులో ఉన్నాయి. వెనుక భాగాన్ని మరింత షార్ప్గా కనిపించేలా ఎయిర్బాక్స్, ఫ్యూయల్ ట్యాంక్ స్థానాలను మార్చారు.
మొత్తం మీద BMW Vision K18 ఒక సాధారణ బైక్ కాదు.. భవిష్యత్ గ్రాండ్ టూరింగ్ మోటార్సైకిళ్లకు మార్గదర్శకంగా నిలిచే కదిలే కళాఖండంలా కనిపిస్తోంది.
ALSO READ:Bharti Airtel | హెచ్డీఎఫ్సీ బ్యాంక్కు షాక్.. రెండో స్థానంలోకి దూసుకెళ్లిన ఎయిర్టెల్
