టీమిండియా వెటరన్ బ్యాటర్ అజింక్య రహానే(Ajinkya Rahane) అంతర్జాతీయ క్రికెట్కు వీడ్కోలు పలికాడు. అన్ని ఫార్మాట్ల నుంచి రిటైర్మెంట్ ప్రకటిస్తూ సోషల్ మీడియాలో భావోద్వేగ సందేశాన్ని పంచుకున్నాడు. దేశం కోసం ఆడటం తన జీవితంలో గొప్ప గౌరవమని పేర్కొన్న రహానే, 2020-21 బోర్డర్-గవాస్కర్ ట్రోఫీలో ఆస్ట్రేలియాపై సాధించిన చారిత్రాత్మక సిరీస్ విజయం తన కెరీర్లో చిరస్మరణీయ ఘట్టంగా నిలిచిందని గుర్తు చేసుకున్నాడు. “ప్రతి ప్రారంభానికి ఒక ముగింపు ఉంటుంది. బ్యాటింగ్లో సరైన టైమింగ్ను ఎంత నమ్మానో, ఇప్పుడు వీడ్కోలు చెప్పడానికి ఇదే సరైన సమయమని భావిస్తున్నాను” అంటూ తన నిర్ణయాన్ని వెల్లడించాడు.
38 ఏళ్ల రహానే భారత్ తరఫున 85 టెస్టులు, 90 వన్డేలు, 20 టీ20 అంతర్జాతీయ మ్యాచ్లు ఆడాడు. 2023లో వెస్టిండీస్తో జరిగిన టెస్టు సిరీస్ తర్వాత అతను భారత జట్టుకు దూరమయ్యాడు. “క్యాప్ 278 సైన్ ఆఫ్” అనే క్యాప్షన్తో విడుదల చేసిన వీడియోలో తన కెరీర్కు సహకరించిన బీసీసీఐ, ముంబై క్రికెట్ అసోసియేషన్, సహచర ఆటగాళ్లు, కోచ్లు, ఐపీఎల్ ఫ్రాంచైజీలు, కుటుంబ సభ్యులు, ముఖ్యంగా భార్య రాధికతో పాటు అభిమానులందరికీ కృతజ్ఞతలు తెలిపాడు.
దేశం కోసం ఆడటం తన జీవితంలో అత్యంత గొప్ప గౌరవమని పేర్కొన్న రహానే, తన వ్యక్తిగత విజయాల కంటే జట్టు విజయానికే ఎప్పుడూ ప్రాధాన్యం ఇచ్చానని చెప్పాడు. భారత క్రికెట్తో తన అధ్యాయం ముగిసినా, ఆటతో తన అనుబంధం ఎప్పటికీ కొనసాగుతుందని, యువ ఆటగాళ్లకు మార్గనిర్దేశం చేస్తానని స్పష్టం చేశాడు. రహానే కెరీర్లో అత్యంత గుర్తుండిపోయే ఘట్టం 2020-21 బోర్డర్-గవాస్కర్ ట్రోఫీ. విరాట్ కోహ్లీ గైర్హాజరీలో గాయాలతో సతమతమవుతున్న జట్టుకు నాయకత్వం వహించి, ఆస్ట్రేలియా గడ్డపై భారత్కు చారిత్రాత్మక 2-1 సిరీస్ విజయం అందించాడు.
మెల్బోర్న్ టెస్టులో అతను చేసిన శతకం, చూపిన నాయకత్వం భారత క్రికెట్ చరిత్రలో చిరస్థాయిగా నిలిచిపోతాయి. అభిమానుల హృదయాల్లో ప్రత్యేక స్థానం సంపాదించిన రహానే అంతర్జాతీయ కెరీర్కు ముగింపు పలికినా, భారత క్రికెట్లో ఆయన సేవలు ఎప్పటికీ గుర్తుండిపోతాయి.
ALSO READ: Taliperu Project | తాలిపేరు ప్రాజెక్టు పోటెత్తిన వరద.. 24 గేట్లు ఎత్తివేత
