ఐపీఎల్ 2026(IPL 2026 final) తుది దశకు చేరి ఫైనల్ మ్యాచ్కు అంత రంగం సిద్ధమైంది. మే 31న(రేపు) అహ్మదాబాద్ వేదికగా రాయల్ ఛాలెంజర్స్ బెంగళూరు (RCB), గుజరాత్ టైటాన్స్ (GT) జట్లు టైటిల్ కోసం తలపడనున్నాయి. కోట్లాది మంది అభిమానులు ఎదురుచూస్తున్న ఈ మ్యాచ్పై ఇప్పుడు వర్షం భయం కాస్త టెన్షన్ పెంచుతోంది.
ఈ సీజన్లో డిఫెండింగ్ ఛాంపియన్గా బరిలోకి దిగిన RCB అద్భుత ప్రదర్శనతో ఫైనల్కు చేరింది. క్వాలిఫైయర్-1లో గుజరాత్ టైటాన్స్పై భారీ విజయం సాధించి నేరుగా ఫైనల్ బెర్త్ ఖాయం చేసుకుంది. మరోవైపు క్వాలిఫైయర్-2లో GT బలమైన కంబ్యాక్ ఇచ్చి ఫైనల్కి వచ్చింది. దీంతో ఈ మ్యాచ్పై భారీ అంచనాలు నెలకొన్నాయి.
వర్షం భయం ఎందుకు?
వాతావరణ శాఖ అంచనాల ప్రకారం మే 30 నుంచి జూన్ 2 వరకు గుజరాత్లో ప్రీ-మాన్సూన్ వర్షాలు కురిసే అవకాశం ఉంది. అహ్మదాబాద్లో కూడా ఉరుములు, మెరుపులతో కూడిన వర్షాలు పడే అవకాశాన్ని అధికారులు సూచించారు. దీంతో ఫైనల్ మ్యాచ్కు అంతరాయం కలగవచ్చనే ఆందోళన ఉంది.
రిజర్వ్ డే రూల్ ఏమిటి?
ఐపీఎల్ నిబంధనల ప్రకారం ఫైనల్ మ్యాచ్కు రిజర్వ్ డేను కేటాయించారు.
- మే 31న మ్యాచ్ పూర్తిగా జరగకపోతే లేదా ఆగిపోతే
- జూన్ 1న అక్కడి నుంచి ఆట కొనసాగుతుంది
- కనీసం 5 ఓవర్లు జరిగిన తర్వాతే ఫలితం నిర్ణయిస్తారు
DLS రూల్ ఎలా పనిచేస్తుంది?
వర్షం కారణంగా ఓవర్లు తగ్గితే డక్వర్త్ లూయిస్ స్టెర్న్ (DLS) పద్ధతి ద్వారా విజేతను నిర్ణయిస్తారు. ఇది రన్రేట్, వికెట్లు, ఓవర్లు ఆధారంగా ఫలితాన్ని లెక్కిస్తుంది.
రెండు రోజులు మ్యాచ్ జరగకపోతే ఏమవుతుంది?
ఫైనల్ రెండు రోజులు కూడా పూర్తిగా రద్దయితే ఐపీఎల్ నిబంధనల ప్రకారం ట్రోఫీని పంచరు.
లీగ్ స్టేజ్ ముగిసే సమయానికి పాయింట్స్ టేబుల్లో టాప్లో ఉన్న జట్టునే ఛాంపియన్గా ప్రకటిస్తారు. ఆ లెక్కన లీగ్ దశలో మెరుగైన నెట్ రన్రేట్తో టాప్లో ఉన్న RCBకు టైటిల్ దక్కే అవకాశం ఉంటుంది.
చివరికి
తాజా వాతావరణ అంచనాల ప్రకారం మే 31 సాయంత్రం అహ్మదాబాద్లో భారీ వర్ష సూచనలు తక్కువగా ఉన్నాయి. ఆకాశం మేఘావృతంగా ఉన్నా వర్షం అవకాశం చాలా స్వల్పమని నిపుణులు చెబుతున్నారు. దీంతో ఫైనల్ మ్యాచ్ సజావుగా జరిగే అవకాశాలే ఎక్కువగా ఉన్నాయి.
