Jr NTR Dragon: మ్యాన్ ఆఫ్ మాసెస్గా అభిమానులు పిలుచుకునే Jr ఎన్టీఆర్, మాస్ దర్శకుడు ప్రశాంత్ నీల్ (Prashanth Neel) కాంబినేషన్లో తెరకెక్కుతున్నచిత్రం ‘Dragon’ పై భారీ అంచనాలు నెలకొన్నాయి.
ఈ చిత్రంలో అఖిల్ అక్కినేని (Akhil Akkineni) గెస్ట్ పాత్రలో కనిపించనున్నాడనే వార్తలు ఇటీవల సోషల్ మీడియాలో వైరల్ అయ్యాయి. ప్రశాంత్ నీల్–అఖిల్ స్నేహం కారణంగా ఈ ప్రచారం ఊపందుకున్నప్పటికీ, చిత్రబృందం వర్గాల ప్రకారం ఆ వార్తల్లో నిజం లేదని స్పష్టమైంది.
‘డ్రాగన్’ కథలో అఖిల్కు ఎలాంటి పాత్ర లేదని, ప్రస్తుతం ప్రశాంత్ నీల్ పూర్తి దృష్టిని ఎన్టీఆర్ పాత్రను మరింత పవర్ఫుల్గా తీర్చిదిద్దడంపైనే కేంద్రీకరించినట్లు తెలుస్తోంది.
ఇటీవల జోర్డాన్లో భారీ యాక్షన్ షెడ్యూల్ పూర్తి చేసిన ఈ చిత్రం, త్వరలో హైదరాబాద్లో తదుపరి చిత్రీకరణను ప్రారంభించనుంది. వచ్చే ఏడాది వేసవి నాటికి సినిమాను పూర్తి చేసి, భారీ స్థాయిలో విడుదల చేయాలని మేకర్స్ ప్రణాళికలు సిద్ధం చేస్తున్నారు.
ఇక అఖిల్ తన ‘Lenin’ చిత్రంతో బిజీగా ఉన్నాడు. ఈ సినిమాను జూన్లో విడుదల చేసేందుకు సన్నాహాలు జరుగుతున్నాయి.
అఖిల్–ఎన్టీఆర్ కాంబినేషన్ కోసం ఎదురుచూసిన అభిమానులకు ఇది నిరాశ కలిగించే విషయమే అయినప్పటికీ, ‘డ్రాగన్’లో ఎన్టీఆర్ ఇవ్వబోయే ఊరమాస్ ట్రీట్ కోసం నందమూరి అభిమానులు ఆసక్తిగా ఎదురుచూస్తున్నారు.
ALSO READ:Pakistani F-16 fighter jet | సరిహద్దుల్లో భగ్గుమంటున్న పాక్-అఫ్గాన్ మధ్య ఉద్రిక్తతలు
