అత్తాపూర్‌లో యువకుడి జేబులో ఫోన్ పేలుడు

అత్తాపూర్‌లో ఓ దురదృష్టకర ఘటన చోటుచేసుకుంది. ఓ యువకుడి ప్యాంట్ జేబులో ఉన్న మొబైల్ ఆకస్మికంగా పేలింది. ఈ ఘటనలో అతని తొడకు తీవ్ర గాయాలయ్యాయి. వెంటనే అతన్ని సమీపంలోని ఆసుపత్రికి తరలించి చికిత్స అందిస్తున్నారు. ఇటీవల రాయచోటి మరియు ఉత్తరప్రదేశ్‌లోనూ ఇలాంటి ఘటనలు చోటుచేసుకోవడం కలవరపరిచే విషయం. నిపుణుల కథనం ప్రకారం, ఓవర్‌హీటింగ్‌ (Overheating) కారణంగానే ఈ తరహా ఫోన్ పేలుళ్లు జరుగుతున్నాయని చెబుతున్నారు. మొబైల్ ఫోన్‌లను చార్జింగ్‌లో ఉంచి వాడకూడదని, వేడిచేసే ప్రదేశాల్లో ఉంచరాదని, తక్కువ నాణ్యత గల ఛార్జర్లు, బ్యాటరీలు వాడకూడదని వారు సూచిస్తున్నారు. ప్రజలు అలర్ట్‌గా ఉండాలని, భద్రతా సూచనలను పాటించాలని అధికారులు విజ్ఞప్తి చేస్తున్నారు.