వివో తన Y సిరీస్లో కొత్త బడ్జెట్ 5G స్మార్ట్ఫోన్ను చైనాలో విడుదల చేసింది. Vivo Y60 5G పేరుతో వచ్చిన ఈ ఫోన్ ప్రత్యేకంగా యువత మరియు బడ్జెట్ వినియోగదారులను దృష్టిలో పెట్టుకుని రూపొందించబడింది. ఈ ఫోన్లో భారీగా 6500mAh బ్యాటరీ ఉండటం ప్రధాన ఆకర్షణగా నిలుస్తోంది.
ఈ ఫోన్ మూడు వేరియంట్లలో లభిస్తుంది. 6GB RAM + 128GB స్టోరేజ్, 6GB RAM + 256GB స్టోరేజ్, అలాగే 8GB RAM + 256GB స్టోరేజ్ ఆప్షన్లు అందుబాటులో ఉన్నాయి. ధరలు సుమారు రూ.25,000 నుండి ప్రారంభమై రూ.32,000 వరకు ఉంటాయి.
డిస్ప్లే విషయానికి వస్తే, ఇందులో 6.74 అంగుళాల LCD స్క్రీన్ ఉంది. ఇది 120Hz రిఫ్రెష్ రేట్కు సపోర్ట్ చేస్తుంది. క్వాల్కామ్ Snapdragon 4 Gen 2 చిప్సెట్తో ఈ ఫోన్ పనితీరు అందిస్తుంది. మైక్రో SD కార్డ్ ద్వారా స్టోరేజ్ను మరింత పెంచుకోవచ్చు.
కెమెరా విభాగంలో వెనుక భాగంలో డ్యూయల్ కెమెరా సెటప్ ఉంది. ఇందులో 13MP ప్రైమరీ సెన్సార్తో పాటు అదనపు సెన్సార్ ఉంటుంది. సెల్ఫీల కోసం 5MP ఫ్రంట్ కెమెరా అందుబాటులో ఉంది.
ఈ స్మార్ట్ఫోన్ Android 16 ఆధారిత OriginOS 6పై పనిచేస్తుంది. 15W ఫాస్ట్ ఛార్జింగ్తో 6500mAh బ్యాటరీ దీని ప్రధాన హైలైట్. సైడ్-మౌంటెడ్ ఫింగర్ప్రింట్ సెన్సార్ కూడా ఇందులో ఉంది.
Must Read
Vijay Mehta | భారతీయ నాటక రంగానికి తీరని లోటు.. విజయ్ మెహతా ఇకలేరు,...
భారతీయ నాటక, సినీ రంగాల్లో తనదైన ముద్ర వేసిన ప్రముఖ నటి, దర్శకురాలు విజయ్ మెహతా(Vijay Mehta) కన్నుమూశారు. వృద్ధాప్య సంబంధిత ఆరోగ్య సమస్యలతో బాధపడుతున్న ఆమె మంగళవారం రాత్రి ముంబైలోని స్వగృహంలో...
