Vijay Sangeetha Divorce: తమిళ స్టార్ హీరో, విజయ్ కు ఎన్నికల వేళ పెద్ద షాక్ తగిలినట్లు సమాచారం. ఆయన భార్య సంగీత (Sangeeta Sornalingam) విడాకుల కోసం చెంగల్పట్టు ఫ్యామిలీ కోర్టులో పిటిషన్ దాఖలు చేసినట్లు తమిళ మీడియా వర్గాలు చెబుతున్నాయి. ఈ కేసు వచ్చే నెల 20న విచారణకు వచ్చే అవకాశముందని సమాచారం.
ఇటీవల రాజకీయ రంగంలోకి అడుగుపెట్టి TMK(Tamilaga Vettri Kazhagam)ను స్థాపించిన విజయ్, ఎన్నికలకు సిద్ధమవుతున్న సమయంలో ఈ పరిణామం ప్రాధాన్యత సంతరించుకుంది. గత రెండేళ్లుగా విజయ్–సంగీత వేర్వేరుగా ఉంటున్నారనే వార్తలు వినిపించాయి.
ఒక ప్రముఖ నటితో విజయ్కు సన్నిహిత సంబంధం ఉన్నదనే ప్రచారం నేపథ్యంలోనే సంగీత ఈ నిర్ణయం తీసుకున్నట్లు టాక్ నడుస్తోంది.
అయితే ఈ విషయంపై విజయ్ గానీ, ఆయన కుటుంబ సభ్యులు గానీ అధికారిక ప్రకటన చేయలేదు. కోర్టు విచారణ తర్వాతే పూర్తి వివరాలు వెల్లడయ్యే అవకాశం ఉంది.
వ్యక్తిగత జీవితంలో ఈ పరిణామం రాజకీయ ప్రస్థానంపై ఎంత ప్రభావం చూపుతుందో చూడాల్సి ఉంది. ప్రస్తుతం తమిళనాట ఈ వార్త హాట్ టాపిక్గా మారింది.
