Robert F. Kennedy Jr | పాము కాటుకు గురైన అమెరికా ఆరోగ్య మంత్రి…వీడియో వైరల్

పాములు పట్టబోయి కాటుకు గురైన అగ్రరాజ్యానికి చెందిన అమెరికా మంత్రి వీడియో ఇప్పుడు సోషల్ మీడియాలో వైరల్ గా మారింది. ఇక వివరాల్లోకి వెళితే…అమెరికా ఆరోగ్య శాఖ మంత్రి రాబర్ట్ ఎఫ్. కెన్నడీ జూనియర్(Robert F. Kennedy Jr) మరోసారి తన ప్రత్యేక చర్యలతో వార్తల్లో నిలిచారు.

ఈసారి ఆయన పాములను ఒట్టిచేతులతో పట్టుకునే ప్రయత్నంలో పాము కాటుకు గురయ్యారు. ఫ్లోరిడాలో ప్రముఖ డాక్టర్ ఓజ్ ఇంట్లోకి రెండు బ్లాక్ రేసర్ సర్పాలు ప్రవేశించాయి. వాటిని పట్టుకునేందుకు వెళ్లిన కెన్నడీ, రెండు పాములను చేతులతో పట్టుకున్నారు. ఆ సమయంలో వాటిలో ఒక పాము ఆయన ఎడమ చేతిని కాటేసింది.

ఈ ఘటనతో అక్కడ ఉన్నవారు ఒక్కసారిగా షాక్‌కు గురయ్యారు. అయితే ఆ పాము విషపూరితం కాకపోవడంతో ఎలాంటి ప్రమాదం జరగలేదు. కెన్నడీ మాత్రం ఎలాంటి భయమూ లేకుండా పాములను పట్టుకున్నట్లు సమాచారం.

ఈ ఘటనకు సంబంధించిన వీడియో సోషల్ మీడియాలో వేగంగా వైరల్‌గా మారింది. ఇదే కాకుండా కెన్నడీ గతంలో కూడా వన్యప్రాణులపై తన ఆసక్తి కారణంగా వార్తల్లో నిలిచారు.