ఉక్రెయిన్ విషయంలో పశ్చిమ దేశాలపై పెరుగుతున్న ఒత్తిడి నేపథ్యంలో రష్యా అధ్యక్షుడు వ్లాదిమిర్ పుతిన్ కీలక ఆదేశాలు జారీ చేశారు. క్షిపణి ప్రయోగాలను వెంటనే ప్రారంభించాలని ఆదేశిస్తూ, సైనిక అధికారులతో నిర్వహించిన వీడియో సమావేశంలో అణ్వాయుధ సామర్థ్యం కల్గిన బాలిస్టిక్ మరియు క్రూయిజ్ క్షిపణుల ప్రయోగ పరీక్షలు నిర్వహించాలని చెప్పారు. ఈ ఆదేశాలు పశ్చిమ దేశాలకు చెబుతున్న సంకేతమని అర్థం చేసుకోవాలి.
పుతిన్ ఆదేశాలతో రష్యా సైనిక అధికారులు అణు క్షిపణులను పరీక్షించడం ప్రారంభించారు. కమ్చట్కా ద్వీపకల్పంలోని కురా టెస్టింగ్ రేంజ్లోని ప్లెసెట్స్క్ లాంచ్ ప్యాడ్ నుంచి యార్స్ ఖండాతర బాలిస్టిక్ క్షిపణి (ICBM)ని పరీక్షించినట్లు రష్యా రక్షణ మంత్రిత్వశాఖ వెల్లడించింది. అన్ని క్షిపణులు తమ లక్ష్యాలను ధ్వంసం చేశాయని రక్షణ శాఖ పేర్కొంది, ఇది రష్యా సైన్యం సన్నద్ధతను చూపిస్తుంది.
గత నెలలో, అమెరికా సహా నాటో మిత్ర దేశాలను రష్యా అధ్యక్షుడు పుతిన్ హెచ్చరించారు. పాశ్చాత్య దేశాలు రష్యాపై దాడి చేసేందుకు లాంగ్ రేంజ్ ఆయుధాలను ఉక్రెయిన్కు అందిస్తే, రష్యాపై నాటో యుద్ధం ప్రారంభించినట్లుగా భావించాల్సి వస్తుందని పుతిన్ స్పష్టం చేశారు. ఈ పరిస్థితుల్లో, రష్యా అణ్వస్త్ర ప్రయోగాలతో నాటోని అప్రమత్తం చేసేందుకు ప్రయత్నిస్తోంది.
