LIVE
Saturday, November 21, 2026
LIVE
LIVE

Oppo Pad 6 విడుదల… ధరలు, ఫీచర్లు ఇవే.. కొత్త టాబ్లెట్ పూర్తి వివరాలు

by Bajaswamy
4 views
OPPO launches Oppo Pad 6 in China with 144Hz display, Dimensity 9500s chipset, and massive 10,420mAh battery.

Oppo Pad 6 launch: చైనా రోజుకో ఆవిష్కరణతో టెక్ ప్రపంచంలో దూసుకుపోతుంది.అలాగే ఆ దేశానికి చెందిన టెక్ దిగ్గజం OPPO తన కొత్త టాబ్లెట్ Oppo Pad 6ను అధికారికంగా మార్కెట్లోకి విడుదల చేసింది. గతంలో వచ్చిన Oppo Pad 5కు అప్‌గ్రేడ్ వెర్షన్‌గా వచ్చిన ఈ డివైస్, శక్తివంతమైన ప్రాసెసర్, ప్రీమియం డిస్‌ప్లే, భారీ బ్యాటరీతో ఆకట్టుకుంటోంది.

ఈ టాబ్లెట్‌లో 12.1 అంగుళాల LCD డిస్‌ప్లేను అందించారు. 3000 × 2120 పిక్సెల్ రిజల్యూషన్‌తో పాటు 144Hz అడాప్టివ్ రిఫ్రెష్ రేట్‌కు మద్దతు ఉంది. 540Hz టచ్ శాంప్లింగ్ రేట్ కారణంగా స్క్రీన్ స్పందన వేగంగా ఉండనుంది. అలాగే 900 నిట్స్ వరకు బ్రైట్‌నెస్, DCI-P3 కలర్ గామట్ సపోర్ట్ కారణంగా వీడియో స్ట్రీమింగ్, గేమింగ్, డ్రాయింగ్ వంటి పనుల్లో మెరుగైన అనుభవాన్ని అందిస్తుందని కంపెనీ పేర్కొంది.

పనితీరు కోసం ఇందులో మీడియాటెక్ కొత్త డైమెన్సిటీ 9500s చిప్‌సెట్‌ను ఉపయోగించారు. దీనికి ఆర్మ్ Mali-G615 MC2 GPU జత చేశారు. గరిష్టంగా 16GB LPDDR5x RAM, 512GB UFS 3.1 స్టోరేజ్ ఆప్షన్‌లతో ఈ టాబ్లెట్ అందుబాటులోకి వచ్చింది. ఇది ఆండ్రాయిడ్ 16 ఆధారిత ColorOS 16పై పనిచేస్తుంది.

ఫోటోగ్రఫీ కోసం ముందు, వెనుక భాగాల్లో 8MP కెమెరాలను అందించారు. రెండు కెమెరాలతో కూడా 30fps వద్ద 4K వీడియోలను రికార్డ్ చేయొచ్చు. కనెక్టివిటీ పరంగా Wi-Fi 7, Bluetooth 5.4, USB Type-C పోర్ట్ వంటి ఫీచర్లు ఉన్నాయి.

ఒప్పో ప్యాడ్ 6లో 10,420mAh భారీ బ్యాటరీని అందించారు. దీనికి 67W ఫాస్ట్ ఛార్జింగ్ సపోర్ట్ ఉంది. పెద్ద బ్యాటరీ ఉన్నప్పటికీ టాబ్లెట్ కేవలం 5.99mm మందంతో స్లిమ్ డిజైన్‌ను కలిగి ఉంది.

ఈ టాబ్లెట్ పలు వేరియంట్లలో అందుబాటులోకి వచ్చింది. ప్రారంభ ధర CNY 3,499గా నిర్ణయించగా, భారత కరెన్సీలో ఇది సుమారు రూ.49 వేల వరకు ఉంటుంది. డీప్ స్పేస్ గ్రే, గెలాక్సీ సిల్వర్, స్టార్‌లైట్ బ్లూ కలర్ ఆప్షన్‌లలో కొనుగోలు చేయవచ్చు.

banner

You may also like

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More