Mouli Tanuj: యూట్యూబ్ కంటెంట్ క్రియేషన్ నుంచి సినీ రంగంలోకి అడుగుపెట్టి తక్కువ సమయంలోనే గుర్తింపు సంపాదించిన మౌళి తనుజ్, ప్రస్తుతం టాలీవుడ్లో వేగంగా ఎదుగుతున్న యువ నటులలో ఒకరిగా నిలుస్తున్నారు. ‘90స్ – ఎ మిడిల్ క్లాస్ బయోపిక్’ వెబ్ సిరీస్తో ప్రేక్షకుల్లో మంచి క్రేజ్ సంపాదించిన ఆయన, ఆ తర్వాత వచ్చిన అవకాశాలను సద్వినియోగం చేసుకున్నారు.
ఆ క్రేజ్ను కొనసాగిస్తూ మౌళి ‘లిటిల్ హార్ట్స్’ సినిమాతో హీరోగా టాలీవుడ్లో అడుగుపెట్టారు. ఈ సినిమాలో శివానీ నాగరం హీరోయిన్గా నటించగా, యూత్కు కనెక్ట్ అయ్యే కథతో సినిమా బాక్సాఫీస్ వద్ద మంచి విజయాన్ని నమోదు చేసింది. మొదటి సినిమాతోనే హిట్ అందుకోవడంతో మౌళి కెరీర్కు బలమైన ప్రారంభం లభించింది.
ఈ విజయానంతరం ఆయన రెండో సినిమాను ప్రముఖ నిర్మాణ సంస్థ మైత్రీ మూవీ మేకర్స్ బ్యానర్లో చేస్తున్నారు. ఈ ప్రాజెక్ట్ పూర్తిగా యూత్ఫుల్ కామెడీ ఎంటర్టైనర్గా రూపుదిద్దుకుంటోంది. ప్రస్తుతం షూటింగ్ వేగంగా కొనసాగుతున్న ఈ సినిమాపై ఇప్పటికే ఇండస్ట్రీలో మంచి ఆసక్తి నెలకొంది. ఇక ఈ చిత్రానికి ‘దొంగ నా కొడుకు’ అనే టైటిల్ను పరిశీలిస్తున్నారని సమాచారం. అయితే దీనిపై అధికారిక ప్రకటన ఇంకా వెలువడలేదు. సోషల్ మీడియాలో మాత్రం ఈ టైటిల్ ఇప్పటికే వైరల్ అవుతోంది.
తాజాగా ఈ సినిమాలో హీరోయిన్ ఎంపికపై రూమర్స్ హల్చల్ చేస్తున్నాయి. ‘మ్యాడ్ స్క్వేర్’ సినిమాలో ‘లడ్డు గాని పెళ్లి’ పాటతో గుర్తింపు పొందిన సుస్మితా శెట్టి ఈ చిత్రంలో హీరోయిన్గా నటించే అవకాశముందని వార్తలు వినిపిస్తున్నాయి. ఆమె ఇప్పటికే షూటింగ్లో పాల్గొన్నట్లు కూడా కొన్ని పోస్టులు సోషల్ మీడియాలో వైరల్ అవుతున్నాయి. అయితే ఈ విషయంపై అధికారిక నిర్ధారణ ఇంకా రావాల్సి ఉంది.
మొత్తంగా చూస్తే, మౌళి రెండో సినిమా చుట్టూ భారీ బజ్ క్రియేట్ అవుతోంది. యూత్ ఆడియన్స్ను టార్గెట్ చేస్తూ రూపొందుతున్న ఈ ప్రాజెక్ట్ను ఈ ఏడాది చివర్లో లేదా వచ్చే సెప్టెంబర్లో థియేటర్లలో విడుదల చేయాలని మేకర్స్ ప్లాన్ చేస్తున్నట్లు సమాచారం.
Mouli Tanuj | యూట్యూబర్ నుంచి ‘దొంగ నా కొడుకు’.. మైత్రీ మూవీ మేకర్స్లో మౌళి కొత్త ప్రాజెక్ట్..
-
Must Read
విశాఖలో ఘనంగా కేంద్రీయ గిరిజన విశ్వవిద్యాలయం తొలి కాన్వొకేషన్.. రాష్ట్రపతికి స్వాగతం పలికిన నారా...
తొలిసారిగా నిర్వహించిన స్నాతకోత్సవంతో విశాఖపట్నంలోని కేంద్రీయ గిరిజన విశ్వవిద్యాలయం మరో మైలురాయిని చేరుకుంది. ఈ వేడుకకు రాష్ట్రపతి ద్రౌపది ముర్ము(President Droupadi Murmu) హాజరై విద్యార్థులను అభినందించారు. ఈ ప్రతిష్ఠాత్మక కార్యక్రమానికి భారత...
