Cristiano Ronaldo: ఫుట్బాల్ చరిత్రలో అత్యంత విజయవంతమైన ఆటగాళ్లలో ఒకరైన క్రిస్టియానో రొనాల్డో తన అంతర్జాతీయ కెరీర్కు సంబంధించి కీలక ప్రకటన చేశారు.2026 ప్రపంచకప్తో తన వరల్డ్కప్ ప్రయాణానికి ముగింపు పలకనున్నట్లు రొనాల్డో ప్రకటించారు. ఈ టోర్నీలోని ప్రతి క్షణాన్ని చిరస్మరణీయంగా మార్చుకోవాలనుకుంటున్నానని చెప్పారు. స్పెయిన్తో జరిగే ప్రీక్వార్టర్ పోరుకు ముందు నిర్వహించిన మీడియా సమావేశంలో రొనాల్డో ఈ విషయాన్ని వెల్లడించారు.
తన భవిష్యత్తుపై వచ్చిన ప్రశ్నలకు స్పందించిన పోర్చుగల్ కెప్టెన్, ఈ టోర్నీతో ప్రపంచకప్ ప్రయాణానికి ముగింపు పలకనున్నానని చెప్పారు. అయితే స్పెయిన్తో జరిగే మ్యాచ్ తన కెరీర్లో చివరిది కాకూడదని ఆశిస్తున్నానని పేర్కొన్నారు. జట్టు మరింత ముందుకు వెళ్లడమే తన ప్రధాన లక్ష్యమని, వ్యక్తిగత రికార్డుల కంటే పోర్చుగల్ విజయం తనకు ముఖ్యమని వివరించారు.
విమర్శలపై స్పందించిన రొనాల్డో తనదైన శైలిలో చమత్కరించారు. పోర్చుగల్ తదుపరి దశకు అర్హత సాధిస్తే విమర్శకులకు తనపై మాట్లాడేందుకు ఇంకొంత సమయం దొరుకుతుందని నవ్వుతూ వ్యాఖ్యానించారు. తన కెరీర్లో తీసుకున్న నిర్ణయాలపై ఎలాంటి పశ్చాత్తాపం లేదని, ఫుట్బాల్కు ఇవ్వాల్సిన ప్రతిదీ ఇచ్చాననే తృప్తి తనకు ఉందని చెప్పారు.
డబ్బు కోసం ఎప్పుడూ ఫుట్బాల్ ఆడలేదని, ఈ ఆటపై ఉన్న ప్రేమే తనను ఇన్ని సంవత్సరాలు మైదానంలో నిలబెట్టిందని రొనాల్డో తెలిపారు. ప్రస్తుతం టోర్నీలో తన ఆటపై వస్తున్న విమర్శలను కూడా ఆయన తిప్పికొట్టారు. ఇప్పటివరకు చేసిన ప్రదర్శనపై తాను సంతృప్తిగా ఉన్నానని, నాకౌట్ దశలో ప్రతి మ్యాచ్ కొత్త సవాల్ అని చెప్పారు. ఇప్పుడు పోర్చుగల్కు స్పెయిన్ రూపంలో కఠిన పరీక్ష ఎదురుకానుంది. ఈ మ్యాచ్లో విజయం సాధిస్తే రొనాల్డో ప్రపంచకప్ ప్రయాణం మరో దశకు చేరుకోనుంది. ఒకవేళ పరాజయం ఎదురైతే ప్రపంచ ఫుట్బాల్లో అత్యంత గొప్ప కెరీర్లలో ఒకటిగా నిలిచిన రొనాల్డో వరల్డ్కప్ అధ్యాయం ముగియనుంది.
- Advertisement -
- Advertisment -
Must Read
Heavy rainfall | భారీ వర్షాలతో అతలాకుతలమైన ముంబై.. ఎక్స్ప్రెస్వే మూసివేత, రైలు సేవలకు...
Heavy rainfall: దేశ ఆర్థిక రాజధాని ముంబైలో ఎడతెరిపి లేకుండా కురుస్తున్న భారీ వర్షాలు సాధారణ జనజీవనాన్ని తీవ్రంగా దెబ్బతీశాయి. నగరంలోని పలు ప్రాంతాలు నీట మునగడంతో రవాణా వ్యవస్థ దాదాపు స్తంభించింది....
- Advertisement -
