Rythu Bharosa: తెలంగాణ ప్రభుత్వం రైతు భరోసా పథకం కింద పెట్టుబడి సాయాన్ని దశలవారీగా రైతుల ఖాతాల్లో జమ చేస్తోంది. ఇప్పటికే రెండు విడతల్లో లక్షలాది మంది రైతులకు ఆర్థిక సాయం అందించిన ప్రభుత్వం, తాజాగా మూడో విడత నిధులను విడుదల చేసింది. ఈ విడతలో 3 నుంచి 4 ఎకరాల వరకు సాగుభూమి కలిగిన అర్హులైన రైతులకు నేరుగా బ్యాంకు ఖాతాల్లో నగదు జమ చేసే ప్రక్రియ ప్రారంభమైంది.
వ్యవసాయ శాఖ మంత్రి తుమ్మల నాగేశ్వరరావు వెల్లడించిన వివరాల ప్రకారం, ఈ విడతలో రాష్ట్రవ్యాప్తంగా 6.39 లక్షల మంది రైతులకు మొత్తం రూ.1,330.32 కోట్లను డైరెక్ట్ బెనిఫిట్ ట్రాన్స్ఫర్ (DBT) విధానంలో జమ చేస్తున్నారు. దీంతో రైతులు వ్యవసాయ పనులకు అవసరమైన పెట్టుబడిని సకాలంలో వినియోగించుకునే అవకాశం లభించనుంది.
ఇంతకుముందు మొదటి విడతలో రెండు ఎకరాల వరకు భూమి ఉన్న రైతులకు, రెండో విడతలో మూడు ఎకరాల వరకు భూమి కలిగిన రైతులకు ప్రభుత్వం రైతు భరోసా సాయం అందించింది. మూడు విడతలు కలిపి ఇప్పటివరకు రాష్ట్రంలోని 61.35 లక్షల మంది రైతులకు రూ.5,402.37 కోట్ల ఆర్థిక సహాయం ప్రభుత్వం విడుదల చేసింది.
మిగిలిన అర్హులైన రైతులకు కూడా భూమి విస్తీర్ణాన్ని ఆధారంగా చేసుకుని దశలవారీగా నిధులు జమ చేస్తామని ప్రభుత్వం స్పష్టం చేసింది. రైతులపై పెట్టుబడి భారం తగ్గించి వ్యవసాయాన్ని మరింత లాభదాయకంగా మార్చడమే ఈ పథకం ఉద్దేశమని ముఖ్యమంత్రి రేవంత్ రెడ్డి పేర్కొన్నారు. రైతు సంక్షేమానికి ప్రభుత్వం అత్యంత ప్రాధాన్యం ఇస్తోందని, వ్యవసాయం గౌరవప్రదమైన వృత్తిగా కొనసాగేందుకు అవసరమైన అన్ని చర్యలు తీసుకుంటామని ఆయన తెలిపారు.
Must Read
Retirement Age | ఏపీ ఉద్యోగులకు గుడ్న్యూస్.. పదవీ విరమణ వయస్సు పెంపు
Retirement Age: రాష్ట్ర ప్రభుత్వ పరిధిలో పనిచేస్తున్న పీఎస్యూలు, కార్పొరేషన్లు, సహకార సంస్థల ఉద్యోగులకు ప్రయోజనం చేకూరే నిర్ణయాన్ని ప్రభుత్వం అమల్లోకి తీసుకొచ్చింది. వారి పదవీ విరమణ వయస్సును 60 ఏళ్ల నుంచి 62...
