హీరో రవితేజ, దర్శకుడు శివ నిర్వాణ కలయికలో రూపొందుతున్న భారీ చిత్రం ‘ఇరుముడి’పై తాజా ఆసక్తికరమైన సమాచారం వెలుగులోకి వచ్చింది. ఇప్పటికే విడుదలైన గ్లింప్స్కు ప్రేక్షకుల నుంచి మంచి స్పందన లభించడంతో సినిమాపై హైప్ మరింత పెరిగింది.
చిత్ర యూనిట్ తాజాగా ఈ ప్రాజెక్ట్ నుంచి థీమ్ సాంగ్ను త్వరలో విడుదల చేయనున్నట్లు అధికారికంగా తెలిపింది. అభిమానుల నుంచి వచ్చిన భారీ డిమాండ్ను పరిగణనలోకి తీసుకుని ఈ నిర్ణయం తీసుకున్నట్లు మేకర్స్ తెలిపారు. ఈ థీమ్ సాంగ్ పూర్తిగా అయ్యప్ప స్వామి భక్తి భావంతో రూపొందిన పవర్ఫుల్ ట్రాక్గా ఉండనుందని సమాచారం. గ్లింప్స్లో రవితేజను ఒక భావోద్వేగ తండ్రిగా, కొత్త లుక్లో చూపించగా ప్రేక్షకులను అది బాగా ఆకట్టుకుంది.
కథ ప్రకారం, తన కూతురి కోసం పోరాడే తండ్రి జీవితంలో వచ్చే మార్పులు, మద్యానికి దూరమై ఆధ్యాత్మిక మార్గాన్ని ఎంచుకునే ఎమోషనల్ జర్నీ ప్రధానంగా ఉండనుంది. ఇందులో యాక్షన్తో పాటు భావోద్వేగం కూడా కీలకంగా ఉండబోతున్నాయి. ఈ సినిమాలో రవితేజ సరసన ప్రియా భవానీ శంకర్ నటిస్తుండగా, చిన్నారి నక్షత్ర ఆయన కూతురి పాత్రలో కనిపించనుంది.
సంగీతం బాధ్యతలను ప్రముఖ సంగీత దర్శకుడు జి.వి. ప్రకాష్ కుమార్ నిర్వహిస్తున్నారు. నవీన్ యెర్నేని, వై. రవిశంకర్ ఈ చిత్రాన్ని నిర్మిస్తున్నారు. భారీ అంచనాల నడుమ ఈ చిత్రం 2026 ఆగస్టులో థియేటర్లలో విడుదల కానుంది.
