YouTube AI Remix tool: యూట్యూబ్ లో కంటెంట్ క్రియేటర్లకు భారీ అప్డేట్ వచ్చింది. వీడియో స్ట్రీమింగ్ లో అత్యంత ప్రాచుర్యం పొందిన యూట్యూబ్, షార్ట్ వీడియోల కోసం సరికొత్త AI రీమిక్స్ ఫీచర్ను టెస్టింగ్ దశలో ప్రవేశపెట్టింది. ఈ ఫీచర్ ద్వారా క్రియేటర్లు ఇప్పటికే ఉన్న షార్ట్ వీడియోలను ఆధారంగా తీసుకుని కొత్త వీడియోలను వేగంగా రూపొందించవచ్చు.
ప్రారంభంలో ఇది ఇంగ్లీష్ మాట్లాడే కొంతమంది క్రియేటర్లకే పరిమితం. ప్రధాన లక్ష్యం ఎడిటింగ్ సులభతరం చేయడం, ట్రెండింగ్ కంటెంట్ ను తక్షణమే సృష్టించడానికి సహాయం చేయడం.
కొత్త ఫీచర్లలో ‘Add Object’ టూల్ ప్రధానంగా 8 సెకన్ల వీడియోలలో AI రూపొందించిన ఎలిమెంట్స్ జోడించడానికి ఉపయోగపడుతుంది. కేవలం ఒక ప్రాంప్ట్ టైప్ చేయడం సరిపోతుంది, మిగతా ఎడిటింగ్ AI స్వయంగా చేస్తుంది.
మరో ముఖ్య టూల్ ‘Reimagine’. ఇది ఒక్క ఫ్రేమ్ ఆధారంగా పూర్తిగా కొత్త AI వీడియో సృష్టిస్తుంది. వినియోగదారులు రెండు రిఫరెన్స్ ఫోటోలను ఇవ్వడం ద్వారా వీడియో రూపాన్ని అనుకూలంగా డిజైన్ చేసుకోవచ్చు.
ఏఐ రీమిక్స్లలో అసలు షార్ట్ వీడియోకు లింక్ ఉండడంతో మూల క్రియేటర్కు సరైన క్రెడిట్ వస్తుంది. అవసరమైతే, క్రియేటర్లు తమ వీడియోలను AI రీమిక్స్లో ఉపయోగించకూడదని ఆప్షన్ ఆఫ్ చేసుకోవచ్చు.
యూట్యూబ్ చెప్పినట్లుగా, ఈ ఫీచర్ వీడియో ఎడిటింగ్ ని తక్కువ క్లిష్టతతో, సృజనాత్మకంగా చేయడానికి సహాయపడుతుంది.
