TGPSC | టీజీపీఎస్‌సీ నుంచి గుడ్ న్యూస్.. డిప్యూటీ ఎడ్యుకేషనల్ ఆఫీసర్ ఉద్యోగాలకు నోటిఫికేషన్

ఉద్యోగాల కోసం ఎదురు చూస్తున్న వారికి టీజీపీఎస్‌సీ(TGPSC) శుభవార్త అందించింది. పాఠశాల విద్యాశాఖ ఆధ్వర్యంలో డిప్యూటీ ఎడ్యుకేషనల్ ఆఫీసర్ (Dy.EO) అలాగే గెజిటెడ్ హెడ్‌మాస్టర్ గ్రేడ్–I ఉద్యోగాల భర్తీకి సంబంధించిన నోటిఫికేషన్‌ను ప్రభుత్వం ప్రకటించింది. ఈ నోటిఫికేషన్ ద్వారా మొత్తం 24 గెజిటెడ్ కేడర్ పోస్టులను జనరల్ రిక్రూట్‌మెంట్ విధానంలో భర్తీ చేయనున్నట్లు కమిషన్ వెల్లడించింది. విద్యాశాఖలో అత్యంత కీలకమైన పరిపాలనా బాధ్యతలు కలిగిన ఈ ఉద్యోగాల కోసం రాష్ట్రవ్యాప్తంగా పోటీ పరీక్షలకు సిద్ధమవుతున్న అభ్యర్థుల్లో కొత్త ఉత్సాహం నెలకొంది.

విద్యార్హతలు, వయో పరిమితి, దరఖాస్తు విధానం, ఎంపిక ప్రక్రియ వంటి పూర్తి వివరాలను TGPSC అధికారిక వెబ్‌సైట్‌లో పొందుపరిచినట్లు అధికారులు తెలిపారు. అభ్యర్థులు https://websitenew.tgpsc.gov.in/ ద్వారా నోటిఫికేషన్ వివరాలను పరిశీలించుకోవచ్చని సూచించారు.

ఈ నియామకాల ద్వారా విద్యాశాఖలో పరిపాలనా వ్యవస్థ మరింత బలోపేతం కానుందని భావిస్తున్నారు. రాష్ట్రంలో ఉన్నత విద్యా ప్రమాణాల పెంపు దిశగా ఈ ఉద్యోగాలు కీలక పాత్ర పోషిస్తాయని అధికారులు పేర్కొన్నారు. నిరుద్యోగ యువతకు ఇది మంచి అవకాశంగా నిలుస్తుందని నిపుణులు అభిప్రాయపడుతున్నారు.