తాళ్ళరేవు మండలం, ముమ్మిడివరం నియోజకవర్గంలో అమలాపురం పార్లమెంట్ ఇన్చార్జి నల్లి బాలకృష్ణ మీడియా సమావేశంలో మాట్లాడారు. ఉభయ గోదావరి జిల్లాల పట్టభద్రుల ఎమ్మెల్సీ అభ్యర్థిగా పోటీ చేస్తున్న జీవి సుందర్కు పట్టభద్రులంతా మద్దతుగా నిలిచి, వారి పవిత్రమైన ఓటును ఇచ్చి భారీ మెజారిటీతో గెలిపించాలని పిలుపునిచ్చారు.
నల్లి బాలకృష్ణ మాట్లాడుతూ, జీవి సుందర్ అమలాపురం మాజీ ఎంపీ జీవి హర్షకుమార్ తనయుడిగా మాత్రమే కాకుండా, యువత కోసం నిరంతరం కృషి చేసే గొప్ప మనసున్న నాయకుడిగా నిలుస్తున్నారని ప్రశంసించారు. నిరుద్యోగ సమస్యలపై సుందర్ గళమెత్తుతూ, పట్టభద్రుల భవిష్యత్తు కోసం పోరాడే యువ నాయకుడని ఆయన పేర్కొన్నారు.
పట్టభద్రులందరూ తమ అమూల్యమైన ఓటును జీవి సుందర్కు ఇచ్చి, రాష్ట్రంలో విద్య, ఉపాధికి న్యాయం చేసే నాయకుడిని విజయం సాధించేలా చేయాలని నల్లి బాలకృష్ణ కోరారు. పట్టభద్రుల సమస్యలను ప్రభుత్వం దృష్టికి తీసుకెళ్లే వ్యక్తిగా జీవి సుందర్ను అభివర్ణించారు.
ఈ సమావేశంలో స్థానిక నాయకులు, పట్టభద్రులు, యువత పెద్ద ఎత్తున హాజరయ్యారు. నల్లి బాలకృష్ణ నేతృత్వంలో పట్టభద్రుల మధ్య పెద్ద స్థాయిలో చర్చలు జరిగాయి. సమాజంలో పట్టభద్రుల హక్కులను కాపాడే అభ్యర్థిని గెలిపించుకోవాలని అందరికీ విజ్ఞప్తి చేశారు.
