బీఆర్ఎస్ పార్టీ వర్కింగ్ ప్రెసిడెంట్ కల్వకుంట్ల తారక రామారావు (KTR) నేడు కొడంగల్ నియోజకవర్గంలో పర్యటించనున్నారు. ఈ సందర్భంగా పలు కార్యక్రమాల్లో పాల్గొని, పార్టీ నేతలు, కార్యకర్తలతో సమావేశం కానున్నారు. అలాగే, స్థానిక రైతులతో మట్లాడి, వారి సమస్యలను తెలుసుకోనున్నారు.
KTR షెడ్యూల్ ప్రకారం, ఉదయం 10:30 గంటలకు నార్సింగ్లోని తన నివాసం నుంచి బయలుదేరి, మధ్యాహ్నం 12:30 గంటలకు పరిగి మాజీ ఎమ్మెల్యే కొప్పుల మహేశ్ ఇంట్లో భోజనం చేయనున్నారు. అనంతరం 1:40 గంటలకు కొడంగల్ తున్కిమెట్లలో బీఆర్ఎస్ పార్టీ జెండా ఆవిష్కరణ చేయనున్నారు.
మధ్యాహ్నం 2 గంటలకు హకీంపేట్, లగచర్ల, కోడైపల్లి, రోటిబండ తండా ప్రాంతాల్లోని రైతులను పరామర్శించనున్నారు. అక్కడి రైతుల సమస్యలు తెలుసుకుని, ప్రభుత్వం తీసుకుంటున్న చర్యల గురించి వివరిస్తారు. రైతుల సంక్షేమం కోసం పార్టీ కట్టుబడి ఉందని ఆయన స్పష్టం చేయనున్నారు.
అంతేకాదు, మధ్యాహ్నం 3 గంటలకు కోస్గి చౌరస్తాలో జరిగే రైతు మహా ధర్నాలో పాల్గొంటారు. రైతు సమస్యలు, న్యాయమైన డిమాండ్ల గురించి మాట్లాడనున్నారు. ఈ పర్యటనలో బీఆర్ఎస్ నేతలు, కార్యకర్తలు, అభిమానులు భారీగా పాల్గొననున్నట్లు పార్టీ వర్గాలు తెలిపాయి.
