Konda Surekha: తెలంగాణ రాజకీయాల్లో మరో కీలక పరిణామం చోటుచేసుకుంది. బీఆర్ఎస్ వర్కింగ్ ప్రెసిడెంట్ కేటీఆర్(KTR)పై గతంలో చేసిన వ్యక్తిగత వ్యాఖ్యల విషయంలో మాజీ మంత్రి కొండా సురేఖ క్షమాపణలు చెప్పారు. కొన్ని సందర్భంలో ప్రతిపక్ష నేతలను విమర్శించే తరుణంలో ఈ వ్యాఖ్యలు చేశానని, అయితే అవి నిరాధారమైనవని, అలాంటి వ్యాఖ్యలు చేయకుండా ఉండాల్సిందని ఆమె విచారం వ్యక్తం చేశారు. కేటీఆర్‌ను, ఆయన కుటుంబ సభ్యులను బాధపెట్టాలనే ఉద్దేశం తనకు లేదని స్పష్టం చేశారు. తన మాటల వల్ల వారి మనోభావాలు దెబ్బతిని ఉంటే క్షమించాలని కోరుతూ, గతంలో చేసిన వ్యాఖ్యలను వెనక్కి తీసుకుంటున్నట్లు ప్రకటించారు. కేటీఆర్ కుటుంబ గౌరవానికి భంగం కలిగించాలనే ఆలోచన తనకు లేదని ఆమె వెల్లడించారు. గతంలో అక్కినేని సమంత, నాగచైతన్య విడాకుల వ్యవహారానికి సంబంధించి కేటీఆర్‌పై కొండా సురేఖ చేసిన వ్యాఖ్యలు తీవ్ర రాజకీయ దుమారాన్ని రేపాయి. ఈ వ్యాఖ్యలపై అప్పట్లో పెద్ద ఎత్తున విమర్శలు వెల్లువెత్తాయి. కేటీఆర్‌కు కొండా సురేఖ క్షమాపణలు చెప్పిన పరిణామాలు తెలంగాణ రాజకీయ వర్గాల్లో చర్చకు దారితీశాయి.
బీఆర్ఎస్ వర్కింగ్ ప్రెసిడెంట్ @KTRBRS గారిపై గతంలో నేను చేసిన కొన్ని వ్యక్తిగత వ్యాఖ్యల పట్ల వివరణ ఇవ్వాలని అనుకుంటున్నాను.
అప్పటి రాజకీయ పరిస్థితుల నేపథ్యంలో, ప్రతిపక్షాన్ని విమర్శించే క్రమంలో ఆ విధంగా మాట్లాడానే తప్ప ఉద్దేశపూర్వకంగా కాదు.
