Bank Holidays | జూన్‌లో బ్యాంకులు ఎన్ని రోజులు సెలవులు ? .. ఏఏ రోజుల్లో అంటే?

Bank holidays: జూన్ నెలలో బ్యాంకు వినియోగదారులకు ముఖ్యమైన అప్డేట్ వచ్చింది. ఈ నెలలో మొత్తం 11 రోజులు బ్యాంకులు బంద్ కానున్నాయి. అయితే ఈ సెలవులు అన్ని రాష్ట్రాలకు వర్తించకపోవచ్చు, ప్రాంతీయ పండుగలు మరియు స్థానిక వేడుకల ఆధారంగా మారుతాయి. వారపు సెలవుల ప్రకారం జూన్ 7, 14, 21, 28 తేదీల్లో ఆదివారాలు దేశవ్యాప్తంగా బ్యాంకులు మూసి ఉంటాయి.

అలాగే జూన్ 13 రెండవ శనివారం, జూన్ 27 నాల్గవ శనివారం కారణంగా బ్యాంకులు పనిచేయవు. ఇవి కాకుండా కొన్ని ప్రాంతీయ సెలవులు కూడా ఉన్నాయి.జూన్ 15న యంగ్ మిజో వ్యవస్థాపక దినోత్సవం సందర్భంగా ఐజ్వాల్‌లోని బ్యాంకులు పనిచేయవు. జూన్ 25, 26 తేదీల్లో మొహర్రం పండుగ కారణంగా పలు రాష్ట్రాల్లో బ్యాంకులకు సెలవు ఉంటుంది. ఇందులో హైదరాబాద్ సహా అనేక ప్రధాన నగరాలు కూడా ఉన్నాయి.

జూన్ 29న సంత్ గురు కబీర్ జయంతి కారణంగా సిమ్లాలో బ్యాంకులు పనిచేయవు. జూన్ 30న రెమ్నా నీ కారణంగా ఐజ్వాల్‌లో బ్యాంకులకు సెలవు ఉంటుంది. డిజిటల్ బ్యాంకింగ్ సేవలు కొనసాగుతున్నప్పటికీ, బ్యాంకు శాఖలు మూసి ఉండే ఈ రోజుల్లో వినియోగదారులు ముందుగానే తమ పనులను ప్లాన్ చేసుకోవడం మంచిది.