హోండా మోటార్సైకిల్ & స్కూటర్ ఇండియా భారత మార్కెట్లో కొత్త Honda NX500 అడ్వెంచర్ టూరర్ బైక్ను ఈ-క్లచ్ టెక్నాలజీతో లాంచ్ చేసింది. ఈ మోడల్ ప్రారంభ ధరను రూ.7.44 లక్షలు (ఎక్స్షోరూమ్)గా నిర్ణయించారు.
ఈ-క్లచ్ టెక్నాలజీ ప్రత్యేకత ఏమిటంటే, క్లచ్ లీవర్ ఉపయోగించకుండా గేర్ మార్పులు చేసుకోవడం సాధ్యం కావడం. రెండు ఎలక్ట్రానిక్ యాక్చ్యుయేటర్లు క్లచ్ను ఆటోమేటిక్గా నియంత్రించి, గేర్ షిఫ్టింగ్ను మరింత సులభతరం చేస్తాయి. అయితే అవసరమైతే రైడర్ మాన్యువల్గా కూడా క్లచ్ లీవర్ ద్వారా గేర్ మార్చుకోవచ్చు.
ఈ సిస్టమ్ కారణంగా బైక్ బరువు సుమారు 3 కిలోలు పెరిగి 199 కిలోలకు చేరింది. ఇంతకుముందు హోండా CB650R మరియు CBR650R మోడళ్లలో కూడా ఈ-క్లచ్ టెక్నాలజీని అందించింది.
పనితీరు విషయానికి వస్తే, NX500లో 471cc ట్విన్ సిలిండర్ లిక్విడ్ కూల్డ్ ఇంజిన్ ఉంది. ఇది 8,500 rpm వద్ద 47 hp శక్తిని, 6,500 rpm వద్ద 43 Nm టార్క్ను ఉత్పత్తి చేస్తుంది. 6-స్పీడ్ గేర్బాక్స్తో ఇది మరింత స్మూత్ రైడింగ్ను అందిస్తుంది.
సస్పెన్షన్ సెటప్లో ముందు USD ఫోర్క్స్, వెనుక మోనోషాక్ ఉన్నాయి. బ్రేకింగ్ కోసం డ్యూయల్ ఛానల్ ABS, ముందు ట్విన్ 296mm డిస్క్లు, వెనుక 240mm డిస్క్ బ్రేక్ అందించారు.
ఫీచర్ల విషయానికి వస్తే 5-అంగుళాల TFT డిస్ప్లే, ట్రాక్షన్ కంట్రోల్ వంటి ప్రాథమిక ఎలక్ట్రానిక్ రైడింగ్ అసిస్ట్స్ మాత్రమే ఉన్నాయి. రైడింగ్ మోడ్స్ వంటి అడ్వాన్స్డ్ ఫీచర్లు ఇందులో ఇవ్వలేదు.
Honda NX500 | హోండా NX500 వచ్చేసింది.. క్లచ్ లేకుండా గేర్ మార్చే స్మార్ట్ బైక్, ధర ఎంతంటే?
-
Must Read
Vijay Mehta | భారతీయ నాటక రంగానికి తీరని లోటు.. విజయ్ మెహతా ఇకలేరు,...
భారతీయ నాటక, సినీ రంగాల్లో తనదైన ముద్ర వేసిన ప్రముఖ నటి, దర్శకురాలు విజయ్ మెహతా(Vijay Mehta) కన్నుమూశారు. వృద్ధాప్య సంబంధిత ఆరోగ్య సమస్యలతో బాధపడుతున్న ఆమె మంగళవారం రాత్రి ముంబైలోని స్వగృహంలో...
