ప్రపంచ మార్కెట్లలో ప్రస్తుతం పసిడికి మంచి రోజులు వచ్చాయని చెప్పాలి. పసిడి ధరలు క్రమంగా పెరుగుతున్నాయి. ఈ క్రమంలో, ఏప్రిల్ 21న, స్పాట్ గోల్డ్ ధర ఒక్కసారిగా 1.7% పెరిగి ఔన్స్కి $3,383.87 స్థాయికి చేరుకుంది. ఇది పశ్చిమ మార్కెట్లకు, ముఖ్యంగా అమెరికా మార్కెట్లకు విశేషమైన ప్రభావం చూపుతోంది. గత సెషన్లో $3,384 స్థాయిని తాకిన ఈ ధరలతో పెట్టుబడుల విషయంలో ఇన్వెస్టర్లను సంతోషం పుట్టిస్తోంది, కానీ కొనుగోలు చేయాలనుకున్న వారికి మాత్రం ఈ ధరలు షాక్ అవుతాయి.
భారతదేశంలో కూడా ఈ బంగారం ధరల పెరుగుదల ప్రభావం కనిపిస్తుంది. 24 క్యారెట్ల 10 గ్రాముల బంగారం ధర ఇప్పుడే రూ.9,8350కి చేరుకుంది. భారత మార్కెట్లో ధరలు పెరగడం, పసిడి కొనాలనుకున్న వారికి కొంత కంఫ్యూజన్ కలిగిస్తోంది. పలు విశ్లేషకులు ఈ ధరలు ఇంకా పెరగాలని సూచిస్తున్నారు. కొంతమంది నిపుణులు ఈ వారంలో బంగారం ధర లక్ష రూపాయలు తాకవచ్చని అంచనా వేస్తున్నారు.
పసిడి ధరల పెరుగుదల వెనుక కొన్ని ముఖ్యమైన కారణాలు ఉన్నాయి. మొదటగా, అమెరికా డాలర్ బలహీనపడడం ఈ ధరల పెరుగుదలకు దారితీసింది. అదేవిధంగా, డొనాల్డ్ ట్రంప్ సుంకాల నిర్ణయం, ఫెడరల్ రిజర్వ్తో ఉన్న వివాదం కూడా దీనికి కారణాలు. ట్రంప్, చైనాపై 145% సుంకాలను విధించడమే కాకుండా, ప్రపంచవ్యాప్తంగా 10 శాతం సుంకాలను అమలు చేశారు. దీని పై చైనా కూడా తమవైపు భారీగా స్పందించి, 125% సుంకాలను విధించింది. ఈ వాణిజ్య యుద్ధం పసిడి ధరలపై నేరుగా ప్రభావం చూపింది.
ఈ అంశాలపై ఇటీవల చైనా, అమెరికాతో చర్చలు జరుపుతున్నట్టు ప్రకటించిన ట్రంప్, వాణిజ్య యుద్ధాన్ని ముగించేందుకు ఒప్పందం కుదుర్చుకునే అవకాశముందని తెలిపారు. అయితే, ఈ చర్చల ఫలితాలు ఎప్పుడు వెలువడుతాయో, తదుపరి తీసుకునే చర్యలు ఏమిటి అన్నది ఇంకా అనిశ్చితంగా ఉంది.
