బంగారం స్మగ్లింగ్ కేసులో అరెస్టైన కన్నడ నటి రన్యా రావు బెయిల్ కోసం కోర్టును ఆశ్రయించారు. ఈ పిటిషన్‌పై ప్రత్యేక కోర్టులో వాదనలు కొనసాగుతున్నాయి. విచారణ సమయంలో ఆమె హక్కులు ఉల్లంఘించబడ్డాయని, ఆమెకు ప్రాథమిక సమాచారం కూడా అందించలేదని ఆమె తరఫు న్యాయవాది కోర్టుకు తెలిపారు.
విమానాశ్రయం వద్ద రన్యా రావును అదుపులోకి తీసుకునే సమయంలో ప్రోటోకాల్ నిబంధనలు పాటించలేదని కోర్టుకు వివరించారు. అదనపు విచారణ పేరుతో ఆమెపై మానసిక ఒత్తిడి పెంచుతున్నారని, సరిగా నిద్రపోయే అవకాశం కూడా ఇవ్వడం లేదని న్యాయవాది ఆరోపించారు. విచారణ ప్రక్రియ న్యాయమైనదిగా ఉండాలని, దీనిని పరిగణలోకి తీసుకుని ఆమెకు బెయిల్ మంజూరు చేయాలని కోరారు.
డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులు, రన్యా రావు బంగారం స్మగ్లింగ్ ముఠాతో సంబంధం ఉన్నారనే అనుమానంతో అదుపులోకి తీసుకున్నారు. ఆమె లగేజీలో అక్రమ బంగారం తరలింపు ఉన్నట్లు గుర్తించారని అధికారులు కోర్టుకు నివేదించారు. విచారణ ఇంకా కొనసాగుతుందని, ఆమెకు ఈ సమయంలో బెయిల్ మంజూరు చేయడం విచారణను ప్రభావితం చేయొచ్చని డీఆర్ఐ వాదిస్తోంది.
రన్యా రావు తరఫు న్యాయవాదులు ఆమె నిర్దోషిని అని, స్మగ్లింగ్ కేసుతో ఆమెకు ప్రత్యక్ష సంబంధం లేదని కోర్టుకు వాదిస్తున్నారు. విచారణ సరైన రీతిలో జరగాలని, న్యాయపరంగా సమర్థవంతమైన న్యాయం జరగాలని కోరుతున్నారు. ఈ కేసుపై కోర్టు తీసుకునే నిర్ణయంపై అందరి దృష్టి నెలకొంది.
