Airtel: ప్రీపెయిడ్ సేవలను ఉపయోగిస్తున్న వినియోగదారుల కోసం ఎయిర్టెల్ తాజాగా కొత్త వార్షిక ప్లాన్ను ప్రకటించింది. ఇంటర్నెట్ వినియోగం తక్కువగా చేసి ఎక్కువగా కాలింగ్పై ఆధారపడే కస్టమర్లు మరియు రెండో సిమ్ నిర్వహించేవారిని లక్ష్యంగా చేసుకుని ఈ ఆఫర్ను రూపొందించారు. రూ.1,849 ధరతో అందుబాటులో ఉన్న ఈ ప్లాన్ ఒకసారి రీఛార్జ్ చేస్తే ఏడాది పాటు సేవలను అందిస్తుంది.
ప్రస్తుతం చాలా మంది వినియోగదారులు నెలనెలా రీఛార్జ్ చేసుకోవాల్సి వస్తుండగా, ఈ ప్లాన్ ద్వారా ఆ ఇబ్బందికి చెక్ పడుతుంది. 365 రోజుల వ్యాలిడిటీతో పాటు దేశవ్యాప్తంగా అన్ని నెట్వర్క్లకు అపరిమిత వాయిస్ కాలింగ్ సదుపాయం ఇందులో లభిస్తుంది. ఎయిర్టెల్ నంబర్లతో పాటు ఇతర టెలికాం సంస్థల నంబర్లకు కూడా ఎలాంటి పరిమితులు లేకుండా కాల్స్ చేసుకునే అవకాశం ఉంటుంది. అయితే ఈ ప్లాన్లో మొబైల్ డేటా సదుపాయం ఇవ్వలేదు.
అందువల్ల ప్రధానంగా కాల్స్ కోసం మాత్రమే మొబైల్ను ఉపయోగించే వారు, ఇంట్లో లేదా కార్యాలయంలో వై-ఫై కనెక్షన్ అందుబాటులో ఉన్న వారు, తక్కువ ఖర్చుతో తమ మొబైల్ నంబర్ను యాక్టివ్గా ఉంచుకోవాలనుకునే వారికి ఇది మంచి ఎంపికగా మారనుంది. ముఖ్యంగా సీనియర్ సిటిజన్లు, అత్యవసర అవసరాల కోసం అదనపు సిమ్ను కొనసాగించే వినియోగదారులకు ఈ ప్లాన్ ఉపయోగకరంగా ఉంటుంది. ఇక డేటా అవసరమయ్యే కస్టమర్ల కోసం ఎయిర్టెల్ మరో వార్షిక ప్లాన్ను కూడా అందిస్తోంది.
రూ.2,249 ప్లాన్లో ఏడాది వ్యాలిడిటీతో పాటు అపరిమిత కాల్స్, మొత్తం 30 జీబీ డేటా లభిస్తుంది. యూపీఐ చెల్లింపులు, ఈమెయిల్స్, మెసేజింగ్ మరియు సాధారణ ఇంటర్నెట్ అవసరాల కోసం ఈ డేటా సరిపోతుందని కంపెనీ చెబుతోంది. తక్కువ ఖర్చుతో ఎక్కువ కాలం కనెక్టివిటీ కోరుకునే వినియోగదారులకు ఈ రెండు ప్లాన్లు ఆకర్షణీయమైన ఎంపికలుగా నిలుస్తున్నాయి.
