స్మార్ట్ఫోన్ మార్కెట్లో కొత్త దూకుడు చూపిస్తూ OnePlus తన ‘N’ సిరీస్లో తొలి మోడల్ను అధికారికంగా విడుదల చేసింది. OnePlus N6 పేరుతో వచ్చిన ఈ డివైస్ బడ్జెట్ విభాగంలోనే భారీ బ్యాటరీ, ఆధునిక ఫీచర్లతో వినియోగదారులను ఆకట్టుకునేలా రూపొందించబడింది. ఈ ఫోన్లో MediaTek Dimensity 6360 చిప్సెట్ను ఉపయోగించారు. పనితీరు మరియు పవర్ ఎఫిషియెన్సీ మధ్య సమతుల్యతను అందించేలా ఈ ప్రాసెసర్ పనిచేస్తుంది. దీనికి తోడు 8000mAh భారీ బ్యాటరీ ఉండటం ఈ డివైస్కు ప్రధాన ఆకర్షణగా నిలుస్తోంది.
డిస్ప్లే పరంగా 6.75 అంగుళాల HD+ LCD ప్యానెల్ను అందించారు. 120Hz రిఫ్రెష్ రేట్, 1200 నిట్స్ పీక్ బ్రైట్నెస్ వంటి ఫీచర్లు స్క్రీన్ అనుభవాన్ని మరింత స్మూత్గా మారుస్తాయి. అదనంగా IP65 రేటింగ్తో డస్ట్ మరియు వాటర్ రెసిస్టెన్స్ కూడా కలదు. ఇది Android 16 ఆధారిత OxygenOS 16 ఆపరేటింగ్ సిస్టమ్తో పనిచేస్తుంది. మిలిటరీ గ్రేడ్ (STD 810H) డ్యూరబిలిటీ సర్టిఫికేషన్ కూడా ఉంది.
కెమెరా విభాగంలో 50MP ప్రధాన రియర్ కెమెరా అందించగా, ముందు భాగంలో 8MP సెల్ఫీ కెమెరాను అమర్చారు. డైలీ ఫోటోగ్రఫీ మరియు వీడియో కాల్స్కు ఇది సరిపోతుంది. చార్జింగ్ విషయానికి వస్తే 45W ఫాస్ట్ వైర్డ్ ఛార్జింగ్ సపోర్ట్ అందించారు. 6.5W రివర్స్ ఛార్జింగ్ సదుపాయం కూడా ఇందులో లభిస్తుంది. ఫ్రెష్ మింట్ మరియు మిడ్నైట్ గ్రీన్ అనే రెండు కలర్ ఆప్షన్లలో ఫోన్ లభిస్తుంది.
ధర విషయానికి వస్తే 4GB + 128GB వేరియంట్ రూ.22,999గా, 6GB + 128GB వేరియంట్ రూ.24,999గా నిర్ణయించారు. ప్రారంభ ఆఫర్గా డిస్కౌంట్లు, బ్యాంక్ ఆఫర్లు కలిపి రూ.19,999 ప్రారంభ ధరకు కూడా కొనుగోలు చేసే అవకాశం ఉంది. ఈ ఫోన్ జూలై 4 నుంచి అమెజాన్లో అందుబాటులోకి రానుంది.
Must Read
విశాఖలో ఘనంగా కేంద్రీయ గిరిజన విశ్వవిద్యాలయం తొలి కాన్వొకేషన్.. రాష్ట్రపతికి స్వాగతం పలికిన నారా...
తొలిసారిగా నిర్వహించిన స్నాతకోత్సవంతో విశాఖపట్నంలోని కేంద్రీయ గిరిజన విశ్వవిద్యాలయం మరో మైలురాయిని చేరుకుంది. ఈ వేడుకకు రాష్ట్రపతి ద్రౌపది ముర్ము(President Droupadi Murmu) హాజరై విద్యార్థులను అభినందించారు. ఈ ప్రతిష్ఠాత్మక కార్యక్రమానికి భారత...
