AP PECET Results | విద్యార్థులకు శుభవార్త.. AP PECET ఫలితాలు విడుదల

AP PECET Results: ఆంధ్రప్రదేశ్ PECET పరీక్ష ఫలితాలు తాజాగా విడుదలయ్యాయి. విద్యాశాఖ మంత్రి నారా లోకేశ్ ఇవాళ సాయంత్రం ఫలితాలను విడుదల చేసి వివరాలను వెల్లడించారు. బీపీఈడీ (B.P.Ed), డీపీఈడీ (D.P.Ed) కోర్సుల్లో ప్రవేశాల కోసం నిర్వహించిన ఈ పరీక్షల్లో విద్యార్థులు మంచి ప్రతిభ కనబరిచారని అధికారులు తెలిపారు. ఈ ఏడాది పీఈసెట్ పరీక్షల్లో రికార్డు స్థాయిలో 89.76 శాతం ఉత్తీర్ణత నమోదైనట్లు మంత్రి లోకేశ్ ప్రకటించారు.

పరీక్షకు హాజరైన అభ్యర్థుల్లో అత్యధిక శాతం మంది అర్హత సాధించడం పట్ల ఆయన సంతృప్తి వ్యక్తం చేశారు. విద్యార్థుల కష్టానికి ఇది మంచి ఫలితమని అభినందించారు. ఫలితాలు వెలువడిన సందర్భంగా ఉత్తీర్ణులైన విద్యార్థులకు మంత్రి నారా లోకేశ్ శుభాకాంక్షలు తెలిపారు. అలాగే వారి తల్లిదండ్రుల కృషిని కూడా ఆయన ప్రశంసించారు.

విద్యార్థుల భవిష్యత్తు మరింత ప్రకాశవంతంగా ఉండాలని ఆకాంక్షించారు. తదుపరి దశలో కౌన్సిలింగ్ షెడ్యూల్ త్వరలోనే విడుదల చేయనున్నట్లు అధికారులు తెలిపారు. విద్యార్థులు తమ ర్యాంక్ కార్డులు మరియు ఫలితాలను అధికారిక వెబ్‌సైట్ ద్వారా డౌన్‌లోడ్ చేసుకోవచ్చని సూచించారు.