AP POLYCET 2026 results: ఆంధ్రప్రదేశ్ విద్యార్థులకు కీలక అప్డేట్ వచ్చింది. ఆంధ్రప్రదేశ్ పాలిటెక్నిక్ కామన్ ఎంట్రన్స్ టెస్ట్ (ap polycet 2026) ఫలితాలను రాష్ట్ర విద్యాశాఖ మంత్రి నారా లోకేశ్ విడుదల చేశారు. ఈ సంవత్సరం రాష్ట్రవ్యాప్తంగా మొత్తం 1,63,008 మంది విద్యార్థులు పరీక్షకు హాజరుకాగా, అందులో 1,48,950 మంది ఉత్తీర్ణత సాధించారు. మొత్తం ఉత్తీర్ణత శాతం 91.37గా నమోదైంది.
ఏప్రిల్ 25న నిర్వహించిన ఈ ప్రవేశ పరీక్ష ద్వారా విద్యార్థులు రాష్ట్రంలోని ప్రభుత్వ, ప్రైవేట్ పాలిటెక్నిక్ కళాశాలల్లో అడ్మిషన్లు పొందనున్నారు. మంచి ర్యాంకులు సాధించిన విద్యార్థులకు ప్రముఖ ఇంజినీరింగ్, టెక్నికల్ కోర్సుల్లో ప్రవేశాలు పొందే అవకాశం ఉంది.
విద్యార్థులు తమ ఫలితాలను అధికారిక వెబ్సైట్ ద్వారా సులభంగా తెలుసుకోవచ్చు. హాల్ టికెట్ నంబర్, పుట్టిన తేదీ వివరాలను నమోదు చేసి రిజల్ట్ చెక్ చేసుకోవాలి. అదే విధంగా ర్యాంక్ కార్డును కూడా డౌన్లోడ్ చేసుకోవచ్చు.
RESULTS Are Here: https://polycetap.ap.gov.in/apssprc.aspx
ఈ ఏడాది భారీ సంఖ్యలో విద్యార్థులు ఉత్తీర్ణత సాధించడం విశేషంగా భావిస్తున్నారు. పాలిసెట్ ద్వారా టెక్నికల్ విద్యకు అడుగుపెడుతున్న విద్యార్థులకు ఇది కీలక దశగా నిలుస్తుంది. అధికారులు విద్యార్థులు తమ ర్యాంక్ ఆధారంగా కౌన్సెలింగ్ ప్రక్రియకు సిద్ధంగా ఉండాలని సూచించారు.
