T20 World Cup 2026: 2026 టీ20 వరల్డ్ కప్ నేపథ్యంలో పాకిస్తాన్ క్రికెట్ బోర్డు (PCB) వివాదాస్పద వ్యాఖ్యలు చేసింది. భారత్లో జరగనున్న ఈ మెగా టోర్నీ నుంచి బంగ్లాదేశ్ తప్పుకుంటే, పాకిస్తాన్ కూడా తప్పుకుంటుంది అని అక్కడి మీడియా కథనాలు పేర్కొంటున్నాయి. బంగ్లాదేశ్ క్రికెట్ బోర్డుకు (BCB) పూర్తి మద్దతు ఇస్తున్నట్లు పీసీబీ స్పష్టం చేసింది.
భద్రతా కారణాల దృష్ట్యా భారత్లో జరిగే మ్యాచ్లపై బంగ్లాదేశ్ ఆందోళన వ్యక్తం చేసిన నేపథ్యంలో, పాకిస్తాన్ ఈ వ్యవహారంలో జోక్యం చేసుకున్నట్లు తెలుస్తోంది.
ALSO READ:Union Budget 2026 Benefits : సామాన్యుల కోసం కీలక నిర్ణయాలు తీసుకోనున్న కేంద్రం
జియో సూపర్ టీవీ నివేదిక ప్రకారం, ఆతిథ్య దేశంపై ఒత్తిళ్లు లేదా బెదిరింపులు ఉండకూడదన్న అభిప్రాయాన్ని పాకిస్తాన్ వెల్లడించింది. ఈ విషయంలో బంగ్లాదేశ్కు అండగా నిలుస్తామని పీసీబీ వర్గాలు తెలిపాయి.
ఇదిలా ఉండగా, బంగ్లాదేశ్ మ్యాచ్లను పాకిస్తాన్లో నిర్వహించాలనే అంశంపై కూడా పీసీబీ ఆసక్తి చూపినట్లు వార్తలు వచ్చాయి. అయితే ఇది అధికారిక ప్రతిపాదన కాదని, శ్రీలంకలో స్టేడియంల లభ్యత లేకపోతే మాత్రమే ప్రత్యామ్నాయంగా పరిశీలిస్తామని పీసీబీ స్పష్టం చేసింది.
ఈ పరిణామాలతో టీ20 వరల్డ్ కప్ 2026 చుట్టూ రాజకీయ, భద్రతా అంశాలు చర్చనీయాంశంగా మారాయి.
