Social Media Down: డిసెంబర్ 23 మంగళవారం ఇన్స్టాగ్రామ్, ఫేస్బుక్ సేవల్లో అకస్మాత్తుగా అంతరాయం ఏర్పడింది. మెటా సంస్థకు చెందిన ఈ సోషల్ మీడియా ప్లాట్ఫాంలలో సమస్యలు తలెత్తడంతో వినియోగదారులు ఇబ్బందులు ఎదుర్కొన్నారు. ముఖ్యంగా ఈ అవుటేజ్ అమెరికాలోని యూజర్లను ఎక్కువగా ప్రభావితం చేసినట్లు సమాచారం.
Downdetectorలో వేల ఫిర్యాదులు
సోషల్ మీడియా సేవలపై Downdetector వెబ్సైట్లో వేల సంఖ్యలో ఫిర్యాదులు నమోదయ్యాయి. డేటా ప్రకారం, ఇన్స్టాగ్రామ్ వినియోగదారుల్లో 49 శాతం మంది యాప్ పూర్తిగా పనిచేయడం లేదని తెలిపారు. మరో 31 శాతం మంది సర్వర్ కనెక్షన్ సమస్యలు ఎదుర్కొనగా, 20 శాతం మంది లాగిన్ సమస్యలు ఉన్నట్లు నివేదించారు.
ఫేస్బుక్లోనూ ఇదే పరిస్థితి
ఫేస్బుక్ విషయంలో 54 శాతం మంది వెబ్సైట్ సమస్యలను, 31 శాతం మంది యాప్కు సంబంధించిన ఇబ్బందులను, 15 శాతం మంది లాగిన్ సమస్యలను Downdetectorలో నమోదు చేశారు. ఈ సమస్య లాస్ ఏంజెలెస్, న్యూయార్క్, చికాగో, బోస్టన్ వంటి ప్రధాన అమెరికా నగరాల్లో తీవ్రంగా కనిపించింది.
భారత్లో సాధారణ సేవలు
భారత్లో మాత్రం ఇన్స్టాగ్రామ్, ఫేస్బుక్ సేవలు సాధారణంగానే కొనసాగుతున్నట్లు వినియోగదారులు చెబుతున్నారు. ప్రస్తుతం ఈ అవుటేజ్ అమెరికాకే పరిమితమై ఉన్నట్లు తెలుస్తోంది.
మెటా స్పందన
ఈ సమస్యను పరిష్కరించేందుకు మెటా సంస్థ చర్యలు తీసుకుంటున్నట్లు సమాచారం. Downdetectorలో నమోదవుతున్న ఫిర్యాదుల సంఖ్య క్రమంగా తగ్గడం దీనికి సంకేతంగా భావిస్తున్నారు.
- Advertisement -
- Advertisment -
Must Read
Rajnath Singh | సముద్రంలో భారత్కు తిరుగులేదు.. రాజ్నాథ్ సింగ్ కీలక ప్రకటన
Rajnath Singh: భారత సముద్ర భద్రతను మరింత బలోపేతం చేసే దిశగా మరో కీలక అడుగు పడింది. విశాఖపట్నంలోని నావల్ డాక్యార్డ్లో నిర్వహించిన ప్రత్యేక కార్యక్రమంలో ఐఎన్ఎస్ మహేంద్రగిరి భారత నౌకాదళంలో కొత్తగా...
- Advertisement -
