ఆకలితో ఏడ్చిన బిడ్డను హత్తుకున్న పోలీసమ్మ
ఒడిశాలో చోటుచేసుకున్న ఓ మానవత్వానికి నిదర్శనమైన సంఘటన అందరినీ కదిలిస్తోంది. ప్రభుత్వ పరీక్ష రాయడానికి వచ్చిన ఓ తల్లి తన బిడ్డను సెంటర్ బయట ఉంచి వెళ్లగా, ఆకలితో ఆ చిన్నారి ఏడవడం ప్రారంభించింది.
అక్కడ విధి నిర్వహణలో ఉన్న మహిళా కానిస్టేబుల్ ఆ బిడ్డ రోదన విని వెంటనే స్పందించారు.
మాతృప్రేమతో పాలిచ్చిన పోలీసు కానిస్టేబుల్
ఆ బిడ్డ ఆకలితో ఉన్నట్లు గుర్తించిన ఆమె, తన మాతృహృదయంతో ఆ బిడ్డను హత్తుకొని పాలిచ్చి లాలించారు. పరీక్ష పూర్తయ్యేంతవరకూ బిడ్డను సురక్షితంగా తన దగ్గరే ఉంచుకున్నారు.
పరీక్ష ముగిసిన తర్వాత తల్లి బయటకు రాగానే, బిడ్డ ప్రశాంతంగా పోలీసమ్మ ఒడిలో ఉండటం చూసి భావోద్వేగానికి గురయ్యారు.
also read:హైదరాబాద్–విజయవాడ హైవేపై బస్సులో మంటలు – డ్రైవర్ సమయస్ఫూర్తితో తప్పిన పెద్ద ప్రమాదం
సర్వత్రా ప్రశంసల వెల్లువ
ఈ సంఘటనపై ప్రజలు, అధికారులు, నెటిజన్లు పోలీసమ్మ మానవత్వాన్ని అభినందిస్తున్నారు. “పోలీసులు కేవలం క్రమశిక్షణకే ప్రతీకలు కాదు, ప్రేమకు ప్రతిరూపం కూడా” అంటూ సోషల్ మీడియాలో ప్రశంసలు వెల్లువెత్తుతున్నాయి.
