Uber Robotaxi: ప్రపంచవ్యాప్తంగా ఆటోనమస్ వాహనాలపై పోటీ పెరుగుతున్న నేపథ్యంలో ఉబెర్ మరో కీలక ముందడుగు వేసింది. అమెరికాలోని సాన్ ఫ్రాన్సిస్కోలో ప్రీమియం రోబోటాక్సీ సేవలను పరీక్షాత్మకంగా ప్రారంభించింది.
ఈ సేవలో లూసిడ్ మోటార్స్ తయారు చేసిన అత్యాధునిక ‘గ్రావిటీ’ SUVలను ఉపయోగిస్తున్నారు. ఈ వాహనాల్లో న్యూరో అభివృద్ధి చేసిన అత్యున్నత స్థాయి ఆటోనమస్ డ్రైవింగ్ సిస్టమ్ అమర్చబడింది.
ఈ కార్లు పూర్తిగా ఆటోమేటిక్గా నడిచే సామర్థ్యం కలిగి ఉన్నప్పటికీ, ప్రయాణికుల భద్రత దృష్ట్యా ప్రస్తుతం స్టీరింగ్ వద్ద ఒక బ్యాకప్ ఆపరేటర్ను ఉంచుతున్నారు. ఇది టెక్నాలజీ పూర్తిగా విశ్వసనీయంగా మారే వరకు తీసుకుంటున్న జాగ్రత్తగా కంపెనీ పేర్కొంటోంది.
ఉబెర్ ఈ ప్రాజెక్ట్పై భారీగా పెట్టుబడులు పెట్టింది. మొత్తం 300 మిలియన్ డాలర్లు పెట్టుబడి పెట్టి, వచ్చే ఆరు సంవత్సరాల్లో కనీసం 20,000 లూసిడ్ గ్రావిటీ SUVలను కొనుగోలు చేయడానికి ఒప్పందం కుదుర్చుకుంది.
ఈ వాహనాల్లో న్విదియా రూపొందించిన డ్రైవ్ AGX Thor కంప్యూటింగ్ ప్లాట్ఫారమ్ను ఉపయోగిస్తూ, న్యూరో సిస్టమ్ ఆధారంగా వాహనాలు పనిచేస్తాయి.
న్యూరో ఇప్పటికే క్లోజ్డ్ ట్రాక్ టెస్టింగ్ విజయవంతంగా పూర్తి చేసి, గత ఏడాది చివర్లో పబ్లిక్ రోడ్లపై కూడా ప్రయోగాలు ప్రారంభించింది. ప్రస్తుతం కంపెనీ వద్ద దాదాపు 100 గ్రావిటీ SUVలు ఉండగా, ఇవి రియల్ వరల్డ్ డేటా సేకరణ కోసం ఉపయోగిస్తున్నారు. ఈ డేటా ఆధారంగా ఆటోనమస్ సిస్టమ్ను మరింత మెరుగుపరచడానికి ప్రయత్నిస్తున్నారు.
ఈ మార్పులతో కూడిన వాహనాల ఉత్పత్తి 2026 చివర్లో ప్రారంభమయ్యే అవకాశం ఉంది. ప్రస్తుతం అమెరికాలోని పలు నగరాలు, రాష్ట్రాల్లో ఈ ఆటోనమస్ డ్రైవింగ్ పరీక్షలు కొనసాగుతున్నాయి.
భవిష్యత్తులో ఈ సేవలను ఉబెర్ పూర్తిస్థాయిలో అమలు చేసి, డ్రైవర్లేని టాక్సీ సేవలను అందించే దిశగా అడుగులు వేస్తోంది.
టెక్నాలజీ అభివృద్ధి, పెట్టుబడుల పెరుగుదలతో రాబోయే రోజుల్లో రోబోటాక్సీలు సాధారణ ప్రయాణ సదుపాయంగా మారే అవకాశం ఉందని నిపుణులు భావిస్తున్నారు.
ఉబెర్ ఈ రంగంలో చేస్తున్న ప్రయత్నాలు భవిష్యత్తు ట్రాన్స్పోర్ట్ వ్యవస్థను పూర్తిగా మార్చే అవకాశముందని విశ్లేషకులు అభిప్రాయపడుతున్నారు.
