తిరుమల తిరుపతి దేవస్థానం (TTD) శ్రీవారి భక్తులకు మరో శుభవార్తను అందించింది. భక్తులకు మరింత సులభమైన సేవలు అందించాలనే లక్ష్యంతో టీటీడీ, అమెజాన్ వెబ్ సర్వీసెస్‌ (AWS) భాగస్వామ్యంతో ఆర్టిఫిషియల్ ఇంటెలిజెన్స్ ఆధారిత చాట్‌బాట్‌ను ప్రవేశపెట్టనుంది.
ఈ ఆధునిక సేవ ద్వారా భక్తులు దర్శనం, వసతి గదుల లభ్యత, విరాళాలు, ఇతర సేవల గురించి క్షణాల్లో సమాచారాన్ని పొందగలరు. ప్రపంచవ్యాప్తంగా ఉన్న భక్తుల సౌకర్యం కోసం ఈ సేవలు 13 భాషల్లో అందుబాటులో ఉండనున్నాయి.
అంతేకాకుండా, ఫిర్యాదులు, సలహాలు, సూచనలు కూడా ఈ చాట్‌బాట్‌ ద్వారా సులభంగా టీటీడీకి చేరేలా సదుపాయం కల్పించబడుతుంది.
ALSO READ:Hyderabad Biryani | హైదరాబాద్ బిర్యానీని నేనే ప్రపంచానికి పరిచయం చేశా
ఈ చాట్‌బాట్‌లో స్పీచ్ టు టెక్ట్స్, టెక్ట్స్ టు స్పీచ్ ఫీచర్లు కూడా ఉంటాయి, వాటితో వాయిస్ కమాండ్ల ద్వారా సేవలు పొందవచ్చు. ఈ ప్రాజెక్ట్‌కు అవసరమైన సాఫ్ట్‌వేర్‌ను టీసీఎస్ అభివృద్ధి చేస్తోందని సమాచారం.
టెక్నాలజీ వినియోగం పెరిగిన ఈ కొత్త అడుగుతో టీటీడీ(TTD) పాలనలో పారదర్శకత, భక్తుల సేవలో వేగం మరింత పెరగనుంది.
