Donald Trump: అమెరికా అధ్యక్షుడు డొనాల్డ్ ట్రంప్ మరోసారి ఇరాన్పై తీవ్ర వ్యాఖ్యలు చేశారు. ట్రూత్ సోషల్ వేదికగా ఆయన ఇరాన్కు గట్టి హెచ్చరిక జారీ చేస్తూ, ఆ దేశం వద్ద ఇక ఎలాంటి బలమైన మార్గాలు లేవని విమర్శించారు. అంతర్జాతీయ జలమార్గాలను అడ్డుకోవడం ద్వారా ప్రపంచాన్ని కొంతకాలం భయపెట్టడమే ఇరాన్ లక్ష్యమని ఆయన ఆరోపించారు.
ఈ క్రమంలో అమెరికా యుద్ధ నౌకలు అత్యాధునిక ఆయుధాలతో సిద్ధంగా ఉన్నాయని, అవసరమైతే చర్యలు తీసుకోవడానికి వెనుకాడబోమని ట్రంప్ హెచ్చరించారు. ఇస్లామాబాద్లో జరుగుతున్న శాంతి చర్చల ఫలితం కీలకంగా మారుతుందని, వచ్చే 24 గంటల్లో పరిస్థితి తేలిపోతుందని ఆయన పేర్కొన్నారు.
ఇరాన్ నాయకత్వంపై కూడా ఆయన తీవ్ర విమర్శలు చేశారు. ఒకవైపు చర్చల్లో ఒకలా మాట్లాడి, బయట మరోలా వ్యాఖ్యానిస్తున్నారని, ముఖ్యంగా యూరేనియం శుద్ధి విషయంలో ఇరాన్ ద్వంద్వ వైఖరి చూపుతోందని ఆరోపించారు. అంతేకాకుండా హార్ముజ్ జలసంధిని తెరిచి ఉంచడం, యూరేనియం నిల్వలను అప్పగించడం వంటి కీలక డిమాండ్లను అమెరికా ముందుకు తెచ్చింది.
మరోవైపు, ఇరాన్ కూడా తన షరతులను పెట్టింది. లెబనాన్లో కాల్పుల విరమణ, అలాగే అంతర్జాతీయ ఆంక్షల కారణంగా నిలిచిపోయిన బిలియన్ల డాలర్ల ఆస్తుల విడుదలను డిమాండ్ చేస్తోంది. ఈ విభేదాల మధ్య శాంతి చర్చలు కొనసాగుతుండగా, ప్రపంచ దేశాలు పరిస్థితిని గమనిస్తున్నాయి.
- Advertisement -
- Advertisment -
Must Read
Chiranjeevi: ముద్రగడ పద్మనాభంది రాజీపడని వ్యక్తిత్వం.. చిరంజీవి భావోద్వేగ వ్యాఖ్యలు
కాపు ఉద్యమానికి చిరునామాగా నిలిచిన మాజీ మంత్రి ముద్రగడ పద్మనాభం (73) మృతి పట్ల మెగాస్టార్ చిరంజీవి(Chiranjeevi) తీవ్ర విచారం వ్యక్తం చేశారు. హైదరాబాద్లోని ఓ ప్రైవేట్ ఆసుపత్రిలో చికిత్స పొందుతూ ఆయన...
- Advertisement -
